Ferrari 488雙雄無懼濕地試

Ferrari 488 GTB：難得喺珠海落Track，卻遇上天陰落雨天，唔通個天唔鍾意我哋……上珠海？

大雨後的賽道雖然濕滑，但對488 GTB（左）及488 Spider的表現影響不大。

Ferrari 488 Spider：咁又唔係咁講喇，起碼去到賽車場冇再落大雨，只是偶爾灑幾滴雨粉，我個頂篷都開到個幾鐘吖，個天對我哋都算係咁啦!

Ferrari 488 GTB：不過其實落雨都唔使驚吖，我哋話晒係法拉利喎，就算落住雨嚟「轟」，無論動力輸出同操控都一樣咁出色。

Ferrari 488 Spider：講咁多做咩吖？玩兩個圈先講啦。

啟動Wet模式防打滑

上星期法拉利（Ferrari）在珠海搞咗個Ferrari 488試車活動，廠方安排了即將交付香港的488 GTB及將首度於香港發表的488 Spider兩個型號的左軚版供傳媒試駕。雖然活動期間已經停雨，但賽道始終濕滑，上車第一件事就是扭動軚環右側的Manettino駕駛模式至Wet，儘管此舉會將488的野性稍為收斂，但可減低輪胎打滑的情況出現，保持循迹性。當一切準備就緒，手握賽車化D字形軚環，撥動軚環後方撥片及畀油，伴隨着Ferrari澎湃得無可比擬的引擎排氣聲浪，出發!

透過軚環右側行車模式旋鈕，選擇Wet模式，雖會令488的野性稍為收斂，但可減低輪胎打滑的情況。

透過軚環右側行車模式旋鈕，選擇Wet模式，雖會令488的野性稍為收斂，但可減低輪胎打滑的情況。

以雙色皮革包裹的桶形設計座椅，有助穩住身軀。

488是Ferrari首款標配Keyless無匙系統的量產車型，Engine Start/Stop鍵則設在軚環左側。

488是Ferrari首款標配Keyless無匙系統的量產車型，Engine Start/Stop鍵則設在軚環左側。

駕馭氣流加強提速

法拉利全新的488車系，包括488 GTB（Coupe版）及488 Spider（硬頂開篷版），是法拉利造型中心朝着可提供賽道水平的性能，同時亦適合非專業駕駛者作日常駕駛的方向打造。兩種車型的車身空氣動力學設計均採用了多項專利技術，以達到最小風阻，最強下壓力為目標，空氣動力學效率值分別達到驚人的1.67及1.53。兩者同以全新3.9L V8渦輪增壓引擎作動力心臟，可爆發670匹馬力及750Nm峰值扭力，油門反應時間僅0.8秒。結合F1雙離合器七前速波箱，只需3秒便能夠完成0~100km/h加速，要提速至200km/h，Coupe版只需極短的8.3秒，硬頂開篷版則只需8.7秒。

引擎蓋採用全透明設計，動力系統也成為了展品。

波檔選擇鍵只有Auto及R，入N波就要同時拉動軚環後方的升檔及降檔撥片。

引擎轉數計置於中央，一貫跑車的格局。

濕滑賽道照轟如常

在濕滑的珠海賽道，每當出彎或直路加速時絲毫沒有渦輪遲滯的現象出現，速度提升猛得來又漸進。加上有升級至第二代的側滑控制系統輔助（SSC2），能於每一個彎、每一次轉向不足或過度的情況調整循迹系統及電子差速來控制側滑角度，帶來拐彎的靈活性及穩定性。即使像小記般沒接受過專業賽車訓練的駕駛者，都可以開得有板有眼，過足車手癮。

提升後的側滑角度控制系統（SSC2）更精確，在出彎時提供更好的縱向加速。

放大圖片

車頭部分採用源自F1的雙擾流設計，進一步降低風阻。

先後駕駛488 GTB及488 Spider，過了T14彎角，進入大直路時，畀大油加速，邊留意車速顯示，兩轉都是踩到廠方豎起鬆油指示牌才收油，兩車型的車速顯示約220km/h左右。若問我邊部較快？老實說，在這條大直路，實際分別不大，又或可以話唔多覺，畢竟根據廠方提供的實際數字，兩者突破200km/h只是0.4秒之差，兩部車同樣好快又好轟。