Taco減肥法愈食愈瘦？

貪靚的人為了瘦身可以去到幾盡？可能日日飲果汁，或者餐餐食麥皮就算，不過原來食Taco都可以瘦身。位於西營盤的Taco Chaca，最近引入了荷里活明星都採用的Taco Cleanse飲食法，推出「Taco素食包」，聲稱食足幾日，可以達到瘦身效果。客人可以選擇為期3日或7日的素食包，價錢分別是$225起或$550起，有齊所有配料以及食譜，回到家中依指示如法炮製，即能製作出簡單健康的瘦身Taco。此外，店家也推出新款沙律和素食Taco， 包括BBQ蘑菇墨西哥夾餅、牛油果墨西哥夾餅及豆腐墨西哥夾餅，雖然未知成效如何，但食Taco總比捱餓瘦身來得飽足吧！