踏入4月初，也許愚人節、兒童節加清明節3種不同力量相沖，撞出匪夷所思的神秘力量，使周遭朋友皆遭遇不測，有人好黑，有人比黑更焦黑。
靚女A感嘆：「今日黑開有條路。坐的士，司機聽錯地點去錯無雷公咁遠，之後行路居然PK，趴街到褲都穿埋。樣衰但好彩人無事，同條褲本身爛咗好多個窿都係Style。只係明明早出門口，變咗遲到，坐巴士都要發生壞車，所有乘客中途被落車流落路邊，工作地點變得愈來愈遙不可及……」
人靚真好，留言一出，吸引諸般朋友來安慰，亦招徠同病相憐者訴苦。其中以暖男B最驚人：「我今日都諸事不順，坐小巴無睇清楚就坐低，沒留意座位留有魚腥水，弄得連底褲都濕透，散發陣陣腥味，跟着才發現八達通裏的錢已用光，幾經辛苦把各個口袋的碎銀集齊，事後跑到港鐵便利店增值，竟然不斷遇上壞機……」
事隔數天，我碰見靚女A便說：「你的『樣衰但好彩人無事』，一定遠遠比不上『弄得連底褲都濕透散發陣陣腥味』的倒霉。」她笑笑說：「全對，看到暖男B的遭遇，我自覺不太差，心情立即回復過來。」我說：「暖男B的倒霉原來好『療傷系』，至少你被他治愈了。」
作為一個普通香港人，我簡直自覺在行衰運——空氣好差、食水含高鉛、未買到豪宅、政客貪官還在位……如果我的悲哀對世人有任何療傷價值，我願意成全。
網址：www.chan-wai.com