花市行大運笑擸港式特產
來到年廿七，過年氣氛漸濃，維園年宵市場經過幾日熱身，人氣也變得愈來愈旺。講真，行花市旨在趁熱鬧、開心吓，梗係要搵啲有Gimmick的攤檔，今年，筆者最欣賞一系列港式特產，像「食好西」文件袋、「放假放不完」立體揮春、「五花腩」坐墊……不妨參考星級特派員張秀文（Sammi）的逛後報告，再重點出擊吧！
搞笑賀歲檔 最愛8強
No.1 「凸出街市」（攤位號碼：154號）
去花市買餸，你試過嗎？檔主的家人是買菜的，因而受到啟發，把攤檔變街市，將濕貨變乾貨，「食品」種類包括五花腩、椰菜等，好豐富呢！
No.2 「食勿停」（攤位號碼：161號）
香港首架美食車現身維園？原來是幾個美少女勇士的大膽嘗試，木板車身由人手釘製，誠意之作，主打Pizza、漢堡包、炸蝦、啤酒等Cushion。
No.3 「猩胸冰室」（攤檔號碼：140）
「嚟啦喂！好新鮮嘅菠蘿油！」離遠已聽到叫賣聲，靚女推銷員夠晒落力，唔買都要睇吓。主打新鮮出爐的「菠蘿油攬枕」，啱晒為食一族。
No.4 「愛在大街小巷中找你」（攤檔號碼：109）
揮春設計一反傳統，以「瞓到自然醒」、「放假放不完」等打工仔心聲作為主題，勁有親切感！
No.5 「港鄧封『猴』」（攤位號碼：194號）
師生合力經營，以自家設計的文件袋最搞鬼，分別寫上「仙氣」、「食好西」、「人生試卷」等標語，後兩者是希望借用坤哥的經歷，鼓勵大家堅持夢想，毋須被一場考試的成敗所困擾，很有意思。
No.6 「吾好猴擒」（攤位號碼：82號）
檔主以潮語作Cushion，配上粵語音標，真‧香港人一定明！像「搵食啫」、「做咩啫你」，反映了打工仔心聲，面對「腦細」唔Make Sense的要求，攬住它們，心情或會舒服啲！
No. 7「唔L係掛」（攤位號碼：141號）
樹熊吐葉的搞鬼畫面想不到Hit到猴年！檔主表示，香港近年發生的事情給人「唔係掛」的感覺，索性將網絡潮語實體化，更設計出天然呆猴子攬枕，表達港人的感受。
No.8 「你好猴群」（攤位號碼：72號）
以兩款自家設計的瘦削猴子作招徠，分別是「舒服San」和「元気San」，希望提醒經常Full Schedule的港人要學懂Relax，好好迎接新一年。
撰文：朱靖樺、林慧敏
攝影：蔡浩文、盧展程
服裝提供：中藝