LEGO版復仇者坤哥最愛Iron Man

LEGO推出過好幾套Marvel英雄系列遊戲，當中以剛賣街嘅《LEGO Marvel's Avengers》最特別，皆因故事所出現嘅情節全基於電影橋段，場景及角色更取材自多套電影包括《The Avengers》、《Avengers: Age of Ultron》、《Captain America: The First Avenger》、《Iron Man 3》、《Thor: The Dark World》及《Captain America: The Winter Soldier》。發布活動當日廠方請來吳業坤（坤哥）率先試玩Xbox One版遊戲，玩法需要轉換不同英雄，利用每個角色嘅獨有技能去解決難題，還可一起施展Combo Moves擊倒敵人，如坤哥識得用雷神使出「雷神之錘」擊倒石牆，不過佢最愛用嘅角色始終係Iron Man，皆因可以飛來飛去，其實遊戲中有近200個Marvel角色登場，粉絲一定玩得好投入。