8轆Stair-Rover樓梯速「滑」

近年興起好多變種滑板，如風火輪、蛇板、魚仔板等不時喺街上見到，可是各位滑得點叻都好，遇着路況不平嘅爛石路、樓梯等，縱然身懷高超技術都難以施展。為此，台灣團隊Allrover設計出Stair-Rover，將滑板由傳統4個轆變為8個轆，輪架仲識得因應地形而擺動卸力，藉着避震系統讓高手可以喺樓梯速滑！

Stair-Rover針對樓梯等顛簸路面而設計，啱晒香港人玩。

輪架重新設計

Allrover初期喺各大集資網包括美國Kickstarter、台灣zeczec等「籌旗」，點知反應勁熱烈，單喺zeczec已收到超過3,900萬台幣（折合逾900萬港元）。火紅主因當然係Stair-Rover用上8個轆設計，別以為佢只係加裝輔助轆咁簡單，其實整個輪架都經過重新設計，底部由兩條塑膠及玻璃纖維打造嘅Keel龍骨貫穿，兩邊各連接4個輪子，閒置時最前及最後兩組輪子會懸空，當玩家企上滑板後，8個轆才會齊齊着地，而輪架更會按地形好似螃蟹咁爬行擺動，故能有效卸走路面帶嚟嘅震動同衝力，配合較軟身嘅「踩街轆」，猶如裝咗避震嘅滑板一樣！

衝落樓梯勁刺激呀！

板身設有扶手位，帶出街玩更方便。

SkateCity負責人Leo表示，首批Stair-Rover已全部售罄，有興趣的玩家可進行預訂。

SkateCity負責人Leo表示，首批Stair-Rover已全部售罄，有興趣的玩家可進行預訂。

挑戰顛簸路面

原理好似好勁，實際玩落又點呢？SkateCity主腦兼滑板高手Leo表示，Stair-Rover其實較傳統滑板易掌握，皆因有8個轆作為支點，玩家企上去更加穩陣，最正係游走凹凸不平嘅路面時，回饋震動比傳統滑板少，啱晒路面顛簸嘅香港玩；不過有辣有唔辣，由於輪子較多，令到板身變重，想做出Ollie、Kickflip等動作嘅難度有所增加。識玩Stair-Rover梗係玩落樓梯，一般板仔遇着樓梯，多數會用Ollie跳過，直接滑樓梯時甚至會刮到板底，而Stair-Rover自然唔使咁麻煩，皆因輪架會隨住梯級而擺動，兩條龍骨仲可以輔助落梯，令滑下時重心更穩。玩家只需要滑落樓梯時調整重心，即可享受極速快感。

為防止玩家落斜時跣腳，所以原廠提供Footstop腳擋配件。	更換零件時需配合T形扳手、L形扳手及六角匙等工具。	底部設有兩條龍骨，落樓梯靠佢擺動提升穩定性。
螺絲位置由外改為內，防止螺絲帽撞崩後難以更換。	落樓梯時輪架會令前後輪子擺動，更貼地和穩陣。	Stair-Rover與傳統滑板的長度接近，板身採用6層楓木製造，表面加上鋼沙紙，提供足夠摩擦力。售價：$1,980