單座位何時批？
「超卓汽車大獎2015」圓滿結束，恭喜各個獎項得主，並感謝讀者熱烈投票支持。今屆是《東方日報》汽車世界特別號連續第二年主辦的盛事，再一次掀起各界對汽車的熱誠，而且可以說是對準買家及換車人士很好的參考，毋須「用自己的方式」左搵右搵車輛資料，因為每個獎項都實至名歸。在購買心儀車輛時，記得考慮埋個Package夠唔夠好喎。
今期除了頒獎直擊外，亦要留意在汽車界極具話題性的BAC MONO跑車，此車「Package」十足十方程式賽車，同平時揸開的車輛極不同，亮點係單座位、上落車要先拆軚環、開車必須戴頭盔，型就型爆，只是香港運輸署仍未批准出牌在道路行駛，以本港向來慢過人的政策，幾時批？批與否？都是未知數。其實運輸署亦毋須考慮太多，引入多些車款何樂而不為？簡單問句：「何解容許電單車，卻容不下單座位車輛？」他日成功出牌，相信其他車廠會爭相倣效。不過此車價錢不菲，並非人人負擔得起。編者向來喜愛越野車，還是對封面大作Range Rover Evoque較有興趣！
撰文：朱志華