Rainbow Six Siege七年之癢反恐出擊

爆牆救人質勁真實

《Rainbow Six》系列一直以團隊合作及高真實感見稱，同現時着重速度感、官能刺激的射擊遊戲稍有不同。新作《Rainbow Six Siege》除了能維持一貫作風，更引進不少貼近時代的設計，如場地逾半物件及牆壁都可破壞，防守一方可利用物件架設陷阱和路障，進攻一方則可「爆牆」營救人質等，為遊戲戰術提供更多變化。

今集遊戲的虹彩小隊再次出動，對付在全球各地進行恐襲的The White Masks組織，玩家要從幾支全球頂尖的小隊，包括法國GIGN、英國SAS、德國GSG9、俄羅斯Spetsnaz及美國FBI SWAT，從20人中挑選出作戰隊員，組成5人反恐小隊。另收錄11幅地圖，包括日前在Beta活動中公開的Hereford、House及Kanal。

設有營救人質任務，比起獵殺恐怖分子難度更高。	可從高處爆窗突入建築物，殺敵人措手不及。	可利用多種戰術去包抄敵人及攻入據點，講求團隊合作。

觀察者模式經歷戰事

今集遊戲較着重5 Vs 5多人戰模式，講求隊員之間的合作，如怎樣分配戰鬥力、哪處部署突入或防守，尤其是遊戲每次讀取地圖時，敵人同玩家所出現嘅位置都有所改變；而且天氣及敵人走位亦有所不同，令每場攻防戰都有變化，更考隊員之間的協調能力。5 Vs 5多人戰模式設有多種玩法，如Terrorist Hunt狩獵恐怖分子、Disarm Bomb拆除炸彈等，雖然節奏感冇近年嘅射擊遊戲咁快，但提供更多空間畀團隊策劃戰術。不過就算唔親身作戰都好，新作提供一個名為Spectator Cam的觀察者模式，畀第11名玩家親歷戰場，可透過第一身視點觀摩，亦能以Tactical View互動觀點，追蹤個別玩家的一舉一動，甚至是自由移動鏡頭觀察，累積經驗再出戰都未遲！

遊戲中可作出高難度突入行動，甚具真實感。	能以Tactical View互動觀點追蹤個別玩家的一舉一動。	在觀察者模式中，可以第一身方式體驗戰事。

資深機迷Ryan：戰術自由度高

香港電競總會創會會長周啟康（Ryan），本身是《Rainbow Six》Game迷，於2000年已開始玩，早前亦花了不少時間玩《Rainbow Six Siege》Beta版，覺得遊戲保留到系列作的小組進攻及防守玩法，戰術自由度相當高，如可從上而下突入建築物。「其實之前《Call of Duty》都做得唔錯，但近幾個作品都設定到好科幻，冇《Rainbow Six》咁真實。」

撰文：布偉倫

網址：http://rainbow6.ubi.com/siege/