道後溫泉做花癡

花姐之展 古樸變鮮花

多得道後溫泉同蜷川實花的聯乘限定主題展，百年溫泉都只能當大布景。為期10個月的展覽名為「蜷川實花×道後溫泉Dogo Art 2015」。蜷川實花的作品一向「人如其名」，花天花地花海不在話下，顏色鮮艷至極點，來到道後溫泉，繼續不遺餘力用盡調色盤上的顏色。以為花姐的作品會淹沒溫泉區？錯了，日本人豈會求其放張特大花花照片就了事？走入道後溫泉街，發覺沒有異樣，原來「花兒」真的會怕醜，躲起來同你玩捉迷藏，要你仔細看才找到。第一朵野生捕獲的花在溫泉本館正門，鮮花浴簾將3層的木造建築低調地添上色彩。再轉個頭走多兩步，看到本館2及3樓的紙門上有場迷離又夢幻的光影Show。抬頭看看溫泉商店街門頂，發現提燈閘門的燈籠花花陣甚為耀眼，原來是花姐親自提議的裝飾。

去到其中一間酒店Prince Hotel，內裏的主題客房「Tsubaki」（意即日本山茶花）才是震撼之作，由天花、紙門、牆身、床鋪、枕頭袋等，都是大紅樁花，不戴黑超的話必定被「鮮花子彈」射死！

燈籠花花陣高峰期時有多達90個燈籠，現在只剩下約20個。	經典的東洋人力車起源於19世紀，有興趣可試坐。	今治毛巾是九州名店，今回也會跟蜷川實花合作。
溫泉本館的光影Show每晚6至11點期間有得睇，會將蜷川實花製作的花花相投影到本館的紙門上。	愛媛縣吉祥物「橘醬みきゃん」車枕，￥1,620（約HK$104）。	雖然海港城LCX內都有橡子共和國，但一個道後溫泉巴士站牌就即刻型咗，又一打卡位。
溫泉街內每間土產店都有柑橘汁，￥432（約HK$28）。	女士們恩物，道後溫泉×資生堂的頭髮護理用品，聞說用了頭髮特別潤滑。	溫泉街內沒有花姐也絕不遜色，多間店舖如今治毛巾商店、一六蛋糕店、四國產物館等，都是買手信的必逛舖頭。
溫泉街內其中2間酒店會有花組的主題客房，Prince Hotel內的「Tsubaki」房是其中一間，房價每晚￥18,500（約HK$1,184）起。	展覽期間有蜷川實花主題電車周圍遊，由松山站行駛至道後溫泉站。

蜷川實花 X 道後溫泉Dogo Art 2015

網址：http://dogo-art.com

日期：即日至2016年2月29日

道後溫泉

地址：愛媛縣松山市道後湯之町5-6

網址：www.dogo.or.jp

交通：於松山觀光港乘坐巴士約40分鐘至道後溫泉

浴衣裝身 願似花嬌美

雖然道後溫泉區的古湧園旅館不設花姐主題房，但就有蜷川實花設計的浴衣，女士們聽到即刻心心眼，冇咗個橙都算叫執番個桔！皆因花姐平時只會為日本紅星如土屋

古湧園餐廳提供的在地食材如鯛魚、生蠔、蝦等，每樣都鮮味無比。	放在大堂的浴衣Dummy，全天候24小時有專人睇住，巴閉。	客房內的裝飾不多，反而顯得清雅。

安娜、水原希子、澤尻英龍華等做形象設計，着靚衫幾時輪到我等小女子？今次難得可以一試花姐親手設計的兩款浴衣，分別為彩色菊花及粉紅茶花，再配上藍色及桃色腰帶，靚到呢！不試穿對不起自己呀！旅館大堂擺放了浴衣Dummy公仔，好明顯係用來吸引一眾女士破財。樓高9層的古湧園，在道後溫泉區來說規模算是甚大，餐廳、居酒屋、手信店等樣樣有，最特別之處是晚上吃會席料理期間有藝伎表演，加埋配樂手，這個意想不到的小表演還不錯。晚餐是豐富的瀨戶內海料理，刺身、火鍋、炸物都以魚為主，鮮味無比。雖然蜷川實花的花花世界溫泉區聯乘活動到出年2月尾就完，但浴衣就到出年8月31號都仲有得借着，下年暑假都仲趕到水尾呀。

古湧園

地址：愛媛縣松山市道後鷺谷町1-1

房價：雙人房每晚￥15,120（約HK$953）起

網址：www.kowakuen.com

交通：於松山觀光港乘坐巴士約40分鐘至道後溫泉，再步行約5分鐘

TRAVEL NOTES

簽證：持有效特區護照或BNO均毋須簽證

機票：香港來回廣島經濟客位約HK$2,572起

交通：由廣島港出發至愛媛縣松山觀光港，乘坐瀨戶內海汽船約2小時40分鐘，價錢為￥3,600（約HK$230）

貨幣：￥100約兌HK$6.4

天氣：11月氣溫約8℃~17℃

特派記者：龔思敏

鳴謝：點滴是生命、四國觀光推進機構