秋遊聽歌藍芽喇叭選拔賽

11月天氣明顯轉涼，係時候去親親大自然！雖說香港是石屎森林，但仍有不少郊野公園和青草地，可以輕鬆野餐兼攤抖聽歌。今次集齊Bose、UE、KEF和Sony四大廠的新款便攜藍芽喇叭同場較量，以音色、操控、功能接力競賽，睇吓邊款最啱心水！
秋遊聽歌必備藍芽喇叭！
秋遊聽歌必備藍芽喇叭！

1號選手：SoundLink Mini II 輕巧靚聲

Bose嘅音響一向以靚聲見稱，但呢部咁的骰嘅SoundLink Mini II得唔得先？

場內老友話新一代藍芽喇叭有不少改進地方，好似電量可用到10小時，又跟埋USB底座作充電，淨係聽音色未必估到係細機播出嚟。體積：51×180×58mm　重量：670g

SoundLink Mini II配備新設計的充電底座。售價：$1,800（a）
  • SoundLink Mini II配備新設計的充電底座。售價：$1,800（a）
可直接以USB線充電，毋須經火牛連接。
  • 可直接以USB線充電，毋須經火牛連接。

2號選手：Boom 2 360度「焚機」

同一般鬥靚聲、鬥設計嘅藍芽喇叭唔同，UE Boom 2玩撞色加圓柱形360度發聲，明顯街頭味較重。新作比上代的音量提升25%，啱晒「焚機」之用，而充電池可用到15小時咁耐，還可買齊一對組成立體聲喇叭，開露天派對都掂。體積：65×175×65mm　重量：538g

UE Boom 2附有圓筒形包裝盒，連配件都好Sharp。售價：$1,699（b）
  • UE Boom 2附有圓筒形包裝盒，連配件都好Sharp。售價：$1,699（b）
機頂備有掛鈎，掛於單車、營帳或樹上都很方便。
  • 機頂備有掛鈎，掛於單車、營帳或樹上都很方便。

3號選手：Muo 旗艦喇叭DNA

音響迷應該記得KEF曾經出過身價幾百萬嘅旗艦座地喇叭Muon，今次呢款Muo藍芽喇叭帶住其DNA，微微向上翹嘅三角流線外殼，提供5種金屬色選擇，顯出與別不同嘅個性，並內置兩組新開發的2吋Uni-Q同軸單元，音色有保證。體積：80×210×60mm　重量：800g

Muo以三角流線型設計，將音波向上發放減低干擾。售價：$2,880（c）
  • Muo以三角流線型設計，將音波向上發放減低干擾。售價：$2,880（c）
喇叭底部加上腳墊，放在枱面冇難度。
  • 喇叭底部加上腳墊，放在枱面冇難度。

4號選手：SRS-X55 無線減失真

SRS-X55於藍芽喇叭內加入LDAC功能，其實LDAC屬Sony自家推出的無線傳輸制式，頻寬比一般藍芽高，將無線傳音時的失真大幅降低，啱晒播Hi-Res歌曲。雖然喇叭外形係一個長方體，但每個平面之間都暗藏斜面，有效減低音波干擾。體積：約118×221×51mm　重量：1,200g

SRS-X55每個表面之間都加入斜面減低干擾。售價：$1,680（d）
  • SRS-X55每個表面之間都加入斜面減低干擾。售價：$1,680（d）
連接介面設於機背下方，無礙觀瞻。
  • 連接介面設於機背下方，無礙觀瞻。

第一回合：鬥音色表現

每個人對音色喜好各有不同，有人鍾意Acoustic，有人愛聽Heavy Metal。不過既然今次是帶出街聽歌，梗係要用藍芽無線接駁手機，再開到最大聲測試。人聲表現方面，KEF Muo兩組Uni-Q同軸單元駕馭中高音游刃有餘，音色清澈細緻；Bose SoundLink Mini II跟Sony SRS-X55扭到最大聲嘅表現都相當好，唔會有拆聲情況。至於以360度環迴送音嘅UE Boom 2，偏向強調低音輸出，較啱聽重節奏嘅Pop Song，但人聲分析力就差少少。

第一回合：鬥音色表現
  • 第一回合：鬥音色表現
帶晒4款藍芽喇叭喺草地聽歌，當中KEF Muo表現最為全面，至於UE Boom 2較着重低音輸出。
  • 帶晒4款藍芽喇叭喺草地聽歌，當中KEF Muo表現最為全面，至於UE Boom 2較着重低音輸出。

第二回合：鬥操作連接

今次KEF Muo跟UE Boom 2都可透過藍芽連接同型號喇叭，讓每隻喇叭各負責單一聲道營造出立體聲效果。接駁方法很簡單，只要跟住手機App逐步設定再配對連接即可，UE Boom 2仲可顯示一對喇叭各自的電量。而Bose SoundLink Mini II及Sony SRS-X55則主要作單機使用及橫向擺放。至於機身按鍵方面，UE Boom 2設有大Size的音量按鈕，Sony SRS-X55機頂更加設8個觸控鍵，而KEF Muo機側按鍵跟Bose SoundLink Mini II機頂按鍵使用上都幾方便。

第二回合：鬥操作連接
  • 第二回合：鬥操作連接
Bose SoundLink Mini II的按鍵集中於機頂，操控都幾就手。
  • Bose SoundLink Mini II的按鍵集中於機頂，操控都幾就手。
UE Boom 2支援《UE Boom》手機App，連接兩個喇叭後可睇到各自電量。
  • UE Boom 2支援《UE Boom》手機App，連接兩個喇叭後可睇到各自電量。
KEF Muo可使用手機App操作，備有連接說明及音樂播放程式。
  • KEF Muo可使用手機App操作，備有連接說明及音樂播放程式。
Sony SRS-X55機頂設有觸控按鍵，不過手指較大的人士要小心才能準確按中。
  • Sony SRS-X55機頂設有觸控按鍵，不過手指較大的人士要小心才能準確按中。

第三回合：鬥特別功能

特別功能方面，UE Boom 2備有IPX7防水功能，加上堅固機殼抵得住5呎高處墮下的撞擊，啱晒帶去戶外使用；最特別是其機面設有感應器，用力一拍即可暫停或繼續播歌。至於Bose SoundLink Mini II接上iPhone時，可長按機頂喇叭按鍵啟動手機的Siri語音功能，即時叫iPhone幫手搵資料。Sony SRS-X55機頂設有Sound鍵，只要使用途中一按即能提升音色，配合自家Hi-Res無線傳輸制式LDAC，比現時主流的aptX擁有更高頻寬，不過當然要夾番對應LDAC的音樂播放器先用到。

第三回合：鬥特別功能
  • 第三回合：鬥特別功能
UE Boom 2支援IPX7防水功能，機面設有感應器可拍打暫停播歌。
  • UE Boom 2支援IPX7防水功能，機面設有感應器可拍打暫停播歌。
Lyra Media主編Cato Mak
  • Lyra Media主編Cato Mak

總結：KEF Muo音色最靚 UE Boom 2戶外啱用

今次測試的便攜藍芽喇叭，設計取向各自不同，Bose用上纖巧迷你外形，UE以好玩性能為大前提，KEF以音色作首選條件，Sony則加入Hi-Res無線傳音設計，點樣揀法好睇大家需要。不過今次主題係秋遊聽歌，梗係揀部出得大自然又入得屋企嘅藍芽喇叭，喺3回合測試中，KEF Muo獲得12.5總分，較其餘3部同獲12總分的參賽者，贏咗半個身位；不過佢嘅價錢比其他機款貴近千元，若選表現平均又好玩的話，UE Boom 2亦值得考慮。

【專家意見】Lyra Media主編Cato Mak短評

Bose SoundLink Mini II：機身輕巧音色表現出眾，但其設計只適合將喇叭橫置擺放。

UE Boom 2：若追求重低音及戶外響亮音色的話，會相當適合。

KEF Muo：人聲表現突出，不過若近距離並只用單一喇叭播放，略嫌高音偏埋一邊。

Sony SRS-X55：配備LDAC傳輸制式，能做到接近1,000kbps傳輸量，適合於室內環境聽Hi-Res歌曲。

撰文：布偉倫

攝影：張群生、郭凱敏

查詢電話：（a）2123 9000、（b）2565 1682、（c）2877 1778、（d）2345 2966