隨意門一開曼谷新Mall來

高科技多啦A夢展

CentralPlaza WestGate頂層所設置的展覽廳會定期更換主題，而打頭陣者，就是多啦A夢主題展覽《Doraemon Comic World》。提提你，入場前宜先下載官方應用程式，皆因展覽共分為5大區域，其中「Scenes to Remember」區內，有部分場景就加入AR擴增實境設計，肉眼看上去平平無奇的布置，換成手機一看，會見到大雄與多啦A夢似「背後靈」般出現在你身邊，偷望大家搞邊科，絕非齋睇咁簡單！另一必去是「Meet and Greet」合照區，真人扮演的多啦A夢角色，早已企定定等你埋位合照，最鬼馬組合一定要數胖虎與小夫莫屬，胖虎不時交足戲揮拳踢腿，當入場者大雄般看待，百分百入戲。

主題展覽推出精品賺錢已是常識，難得今次除了馬克杯等傳統產品，還有玩法新穎的主角圖案限定T恤。作為Fans，一件HK$100有找的多啦A夢T恤本已是必買手信，但驚喜還在之後，當你掏出手機一照，就會發現它與場內布景一樣加入AR效果，令靜香、大雄、多啦A夢等角色，輪流出現在你心口，滿足你帶他們返港的欲望。

展廳中央的多啦A夢草叢，也是另一必影景點。	限定Tee都可以照出AR效果，390 Baht（約HK$84）。	商場展覽廳首個嘉賓，正是廣受大人小朋友歡迎的多啦A夢。
胖虎不時交足戲揮拳踢腿，畀入場人士感受大雄經常被恰的滋味。	每日下午4時左右，全體工作人員會齊齊現身展覽入口，跟日文主題曲跳番Part舞。	哪個角色人氣最旺？觀乎大家都攬着多啦A夢不放就知道了。
Scenes to Remember的分支區域，部分場景採用AR虛擬實景設計，手機App一照就無所遁形！	共有3個展區，分布着十多個固定動漫情景。	可以在指定時間，跟真人扮演的角色合照。

Doraemon Comic World

日期：即日至2016年1月10日

時間：12:30pm~3:30pm、4:30pm~8:30pm（星期一至五），11:30am~3:30pm、4:00pm~8:00pm（周六、日及公眾假期）

票價：成人250 Baht（約HK$54）起，兒童200 Baht（約HK$43）起

曼谷新巨Mall

說回8月28日正式開幕的CentralPlaza WestGate。曼谷市政府目前銳意將曼谷西部Bang Yai區打造成新商業中心，因此該區的新設施，將會陸陸續續上場，而新場可說是先頭部隊之一。單看商場名稱，港人或已猜到它與平日行慣行熟的CentralWorld有關聯，兩者都是由CPN負責興建，挾着佔地50萬平方米、超過700間店舖進駐、泰國目前最大購物商場等聲勢，甫開幕經已成為當地人周末新蒲點。目前大多數旅客都會選擇的士前往，事關商場距離曼谷市中心達30公里，而BTS紫線又預計要在今年底才開幕……假如沒有延期的話。

在尚未完全發展的Bang Yai區內，CentralPlaza WestGate的流線型外牆得格外矚目。	底層設巨型美食廣場，當中又以日式餐廳居多。	連手推車都用玩具車代替，小朋友又怎會扭計？
商場以小朋友為本，走廊也設有遊樂場。	LED噴水池據講花上5,000萬泰銖打造，會定時上演噴水音樂騷。

CentralPlaza WestGate

地址：199, 199/1, 199/2 Moo 6, Sao Thonghin, Bang Yai, Nonthaburi, Thailand

網址：www.centralplaza.co.th/westgate

交通：曼谷市中心乘的士約45分鐘抵達

TRAVEL NOTES

簽證：持有效特區護照或BNO均毋須簽證

機票：香港來回曼谷經濟客位約HK$1,292起

貨幣：HK$1約兌4.6 Baht

天氣：11月氣溫約23℃~31℃

特派記者：孔慧思

鳴謝：泰國政府旅遊局