夜拍花燈 手機攝力挑戰

過兩日就到中秋節，除咗食吓月餅賞吓月之外，機Gor仲約埋一家人出街睇花燈應吓節。佳節當前，拍照留念嘅重任自然落喺機Gor身上，不過綵燈會通常都黑麻麻，對於手機攝力係一大挑戰。今次機Gor搵嚟兩款同樣Sell夜攝嘅新款Smartphone比併，一部係由日本水路到港嘅DoCoMo AQUOS EVER SH-04G，另一部係國產旗艦Huawei P8，睇吓邊部手機夜攝「智」出色！
DoCoMo SH-04G售價：$3,880（a）<br>Huawei P8售價：$3,780（b）
DoCoMo SH-04G售價：$3,880（a）
Huawei P8售價：$3,780（b）

日系SH-04G NightCatch夜攝

以往嘅日本水貨手機，多數以旗艦型號為主，剛到埗嘅DoCoMo SH-04G卻一反常態，為市場罕有的日系中階機，定價三千多元門檻低得多。雖然定位實用抵玩，但設計和功能絕唔輸蝕，1,310萬像素主鏡頭針對夜攝植入NightCatch技術，有效減低雜訊及增加亮度，其他拍攝功能亦有所改進，如Real Time HDR可實時顯示HDR效果。另有Sharp招牌嘅EDGEST邊框閃光效果，以及日系機必備嘅IPX5/7防水標準，功能齊備。

金屬旗艦P8 RGBW四色感光

國產大廠Huawei近年展開機海戰術，當中的旗艦作一定要數P8系列。以往廠方會於型號前加上Ascend一字，現在直接叫P8精簡得多。新機用上鋁合金一體成形設計，屏幕佔機面比例達78.3%，而且左右邊框只有0.8mm，搣甩國產機嘅老套設計，中秋睇相時更醒神；1,300萬像素主鏡頭仲引入RGBW四色感應器，比一般RGB感應器吸收更多白光，拍攝夜景亮麗自然。

SH-04G採用無蓋式防水USB插口，唔使拆蓋便可充電。
  • SH-04G採用無蓋式防水USB插口，唔使拆蓋便可充電。
P8雙卡雙待卡槽放入SIM卡後便不可插microSD卡。
  • P8雙卡雙待卡槽放入SIM卡後便不可插microSD卡。

第一回合：綵燈鬥畫質

要鬥花燈拍攝，最關鍵當然係鏡頭質素，SH-04G及P8分別擁有1,310萬像素及1,300萬像素主鏡頭，鬥像素不相伯仲。不過兩機勝在各自強化夜攝功能，前者獨家支援NightCatch技術，顧名思義喺夜晚都能捕捉亮麗影像；後者藉着RGBW四色感應器提升拍攝時的亮度，仲內置相機級數嘅Image Signal Processor及光學防手震功能，Snapshot手到拿來。所謂有圖有真相，機Gor喺尖沙咀文化中心對出拍攝花燈，兩機喺低光環境下抓拍都冇鬆郁朦問題；將原相放大後發覺邊位銳利，光暗反差表現都算唔錯，兩機夜攝成像質素拍得住DC。

SH-04G嘅相片光暗反差控制得唔錯，放大後雜訊唔算明顯。
  • SH-04G嘅相片光暗反差控制得唔錯，放大後雜訊唔算明顯。
P8夜攝相片沒有偏色，白平衡準確，邊位細節沒有鬆散。
  • P8夜攝相片沒有偏色，白平衡準確，邊位細節沒有鬆散。

第二回合：拍攝鬥玩法

既然影像質素接近，一於鬥吓特別拍攝玩法。SH-04G備有「Framing Advisor」功能，開啟Auto模式後，拍攝時只要點一下主體，手機會自動偵測出最佳構圖位置，用家跟住指示將主體移至適當位置即可影靚相，見到五光十色嘅花燈都唔怕唔識構圖。而P8都有撒手鐧，引進近年Hit爆嘅「光繪畫攝影」Light Painting模式，用家唔使設定ISO、光圈、快門等，直接將手機放於腳架，再以發光物件繪畫圖案就搞掂，仲可於屏幕實時顯示光軌效果，啱晒中秋夜玩Light Painting。

SH-04G設有「Framing Advisor」教你構圖，人人都可變攝影大師。
  • SH-04G設有「Framing Advisor」教你構圖，人人都可變攝影大師。
P8可大玩「光繪畫攝影」Light Painting，可說是手機較少見。
  • P8可大玩「光繪畫攝影」Light Painting，可說是手機較少見。

第三回合：操控鬥耐力

中秋翌日係公眾假期，自然可以盡情玩個夠，但都要手機電量撐得住先得。SH-04G及P8分別內置2,450mAh及2,680mAh電池，兩機各自備有慳電功能，前者提供Energy Saving模式，可透過減低屏幕亮度、動畫效果等提升續航力；後者亦有省電模式，備有超級、智能、一般3個選項，當中超級只保留基本通話及SMS功能，令續航力倍增，仲好貼心咁顯示可使用時間。操控方面，兩機都玩窄邊框設計，單手拎機都唔怕攰；P8還加入單手操控介面，只要於虛擬功能鍵上向橫一掃，畫面便會縮小至約4吋，手細嘅人士合用。

SH-04G採用5吋屏幕，並支援Mini Apps，可以小視窗開啟指定程式。
  • SH-04G採用5吋屏幕，並支援Mini Apps，可以小視窗開啟指定程式。
SH-04G設有Energy Saving模式，不過冇顯示剩餘使用時間。
  • SH-04G設有Energy Saving模式，不過冇顯示剩餘使用時間。
P8內置單手操控介面，可將整個介面縮小單手篤芒。
  • P8內置單手操控介面，可將整個介面縮小單手篤芒。
unwire科技網站主編Edward
  • unwire科技網站主編Edward

unwire科技網站主編Edward：「夜攝拍得穩 !」

「手機夜攝最容易出現手震情況，所以用家應盡量將機身固定，隨身帶備迷你腳架固然最好，若然沒有的話大可找燈柱、石壆充當腳架，夜攝自然穩定得多。另外，想拍攝人像夜景，建議唔好用內置閃光燈，皆因背景會變得好暗，最好加設外置閃光燈作飛燈補光，甚至以平板電腦開啟白色畫面為人臉補光，效果會自然好多。」

機Gor Report：P8實用抵玩之選

如果單睇規格，SH-04G用上Snapdragon 400處理器加2GB RAM，確實被P8的Kirin 930八核心處理器和3GB RAM比下去。但機Gor實際拎SH-04G夜攝花燈都算流暢，單靠日系手機外形和介面設計已吸引到不少用家。而P8可算是Huawei現時最強機款，將最強嘅硬件放晒落去，加上網絡支援方面兼容雙卡雙待及中港4G，所以要機Gor揀的話，P8嘅實用性稍勝一籌。

DoCoMo SH-04G規格表

制式：GSM、WCDMA、LTE

處理器：Qualcomm Snapdragon 400 1.2GHz四核心

記憶體：2GB RAM、16GB ROM、支援microSD

屏幕：5吋（1,280×720解像度）

鏡頭：（前置）210萬像素、（後置）1,310萬像素

其他功能：IPX5/7防水、藍芽、microUSB、Wi-Fi

電池容量：2,450mAh

作業系統：Android 5.0

體積：133×71×9.7mm

重量：139g

Huawei P8規格表

制式：GSM、

WCDMA、LTE

處理器：HiSilicon

Kirin 930八核心

記憶體：3GB RAM、16GB ROM、支援microSD

屏幕：5.2吋（1,920×1,080解像度）

鏡頭：（前置）800萬像素、（後置）1,300萬像素

其他功能：藍芽、microUSB、Wi-Fi

電池容量：2,680mAh

作業系統：Android 5.0

體積：144.9×72.1×6.4mm

重量：144g

機Gor Profile：機不離身，不信Spec只信測試，不扮高深，懶理低俗，貪新不忘舊。

撰文：機Gor

查詢電話：（a）2374 0618、（b）8128 8810