零後製Time Lapse！ TLC200 Pro晝夜賞青馬

前排有香港高手憑縮時短片贏得國際獎項，旋即掀起一股Time Lapse熱潮。將長時間拍攝的景物壓縮成一段短片，睇落似足快鏡，但壓縮後製始終麻煩，故Brinno特別設計出TLC200 Pro縮時攝錄裝置，操作簡易之餘，毋須後製就有片睇，今次小記去咗青馬大橋、灣仔金紫荊廣場等景點試拍，晝夜變化盡收眼底。

售價：$2,278

AVI格式720p短片

今時今日要玩Time Lapse其實冇乜難度，事關大部分相機已支援間隔拍攝功能，最麻煩反而係要後製壓縮成短片。TLC200 Pro就慳番呢個步驟，只要拍攝前Set好間隔時間、影片格數，再按OK掣就搞掂，結束時長按OK掣，它會將影像自動轉為720p質素的AVI影片，雖然畫質唔算好，但勝在過程方便。此外，它本身配備HDR感光元件，提供115dB超高動態範圍，試片中的雲層和暗位都保留了細節。

手動調校對焦設定

操作方面有一點要注意，皆因TLC200 Pro係用手動對焦，對焦時要透過螺絲批鬆開鏡頭的螺絲，再扭動鏡頭對焦環。惟機背的1.44吋屏幕實在太細，取景時要多作嘗試；另有白平衡、場景、曝光補償畀用家調校，照顧到進階人士需要。此外，跟機附送一張4GB SD卡及4枚AA電池，一條龍配套夠貼心，加上4枚電池就夠玩45天，非常長氣。

附送4GB SD卡，旁邊設有USB和快門線插口。

附有螺絲批，手動對焦時用作鬆開鏡頭的螺絲調校。

扭開鏡頭就睇到機身的HDR感光元件。

112度超廣角視野

大多數Time Lapse都以風景為主題，皆因畫面變化夠大，所以新機的套裝定焦鏡頭支援112度廣角視野和F2.0大光圈，而且鏡頭可上下120度調校，假如唔想拎三腳架，只要將機身放在平地上一樣可玩得到。為了令拍攝時有更多變化，用家可額外購買BCS 24~70標準變焦鏡及BCS 18~55廣角變焦鏡，因應喜好來替換。如果驚影影吓落雨，廠方還推出ATH120專用防水殼，具有IPX4防水認證，遇着過雲雨都無阻拍攝。

背面備有按鍵調校間隔時間，不過1.44吋屏幕實在太細。	電量續航力超強，4枚AA電池夠玩大約個半月。	備有日間、晨昏、夜間、月光和星空多種場景模式。
HDR感光元件支援115dB超高動態範圍，提供高、中、低範圍選擇。	BCS 24~70標準變焦鏡提供F1.4~2.4光圈，適用於城市、海邊、山景等。售價：$999	BCS 18~55廣角變焦鏡支援F1.2~1.9超大光圈，針對星空、銀河等主題。售價：$2,269
用家可另購ATH120專用IPX4防水殼，唔怕落雨淋濕機身。售價：$329	試玩區於金紫荊廣場捕捉日落變化，配合會展幻彩光影，自動炮製Time Lapse的效果不俗。最難之處反而是要避免途人碰到三腳架，否則便功虧一簣。	試玩區從影片擷取了青馬大橋的晝夜變化，光位和暗位控制得宜，但係720p畫質始終唔算好，放大後會見到粗微粒。

規格表

感光元件：130萬像素HDR CMOS

鏡頭視角：112度

光圈：F2

屏幕：1.44吋

影片質素：720@30fps

體積：64×46×106mm

重量：140g

撰文：黎子豪

攝影：黎子豪、張群生

查詢電話：2541 2982

上一則

下一則

背面備有按鍵調校間隔時間，不過1.44吋屏幕實在太細。	電量續航力超強，4枚AA電池夠玩大約個半月。	備有日間、晨昏、夜間、月光和星空多種場景模式。
HDR感光元件支援115dB超高動態範圍，提供高、中、低範圍選擇。	BCS 24~70標準變焦鏡提供F1.4~2.4光圈，適用於城市、海邊、山景等。售價：$999	BCS 18~55廣角變焦鏡支援F1.2~1.9超大光圈，針對星空、銀河等主題。售價：$2,269
用家可另購ATH120專用IPX4防水殼，唔怕落雨淋濕機身。售價：$329	試玩區於金紫荊廣場捕捉日落變化，配合會展幻彩光影，自動炮製Time Lapse的效果不俗。最難之處反而是要避免途人碰到三腳架，否則便功虧一簣。	試玩區從影片擷取了青馬大橋的晝夜變化，光位和暗位控制得宜，但係720p畫質始終唔算好，放大後會見到粗微粒。