國產話題王 OnePlus 2換殼變臉

上年OnePlus 1以超高性價比，加上「受邀」才能購買，成為人氣話題王。事隔一年，廠方於北京發布第二代OnePlus 2，不但引入八核心處理器、雷射對焦等頂級配置，仲提供5款材質機殼，更換後連主題介面也一併變臉，好玩到爆！新機上周於內地正式發售，首30,000部於64秒內被搶購一空，香港國際版剛於昨天推出，究竟值唔值得搶？即睇！

備有5款材質背殼，跟機送黑沙岩殼，其餘需要另購。 <br>售價︰$2,399（16GB）、$2,799（64GB）

備有5款材質背殼，跟機送黑沙岩殼，其餘需要另購。
售價︰$2,399（16GB）、$2,799（64GB）

5款背殼物料

OnePlus 2以「從手感到質感」作主題，最大賣點自然是用料。雖然驟眼睇佢同一般5.5吋大芒手機相若，但微彎機背手感不俗。只要翻到機背便知其誠意所在，皆因其背殼以黑沙岩打造，廠商表示經過3層噴刷、打磨及2層樹脂保護，耐磨之餘，表面凹凸紋理觸感極佳，一般膠殼冇得比！同期推出的還有碳纖、楠竹、非洲原木及酸枝4款背殼，系統懂得因應背殼而自動轉換介面顏色、背景及App排列，內外夾晒Tone極富心思。

屏幕色彩亮麗

新機的屏幕雖然只有1,920×1,080解像度，但由於採用了In-Cell技術，支援1,500:1對比度及600nit亮度，輸出清晰明亮，相片放大後也見實淨，質素比一般Full HD芒出色。拍攝方面，1,300萬像素鏡頭對應F2.0大光圈及OIS光學防震功能，並支援0.2s雷射對焦，實測對焦快且細節豐富，成像不俗；另提供美顏、4K攝錄、HDR、縮時及慢動作等拍攝模式。唯一缺點是鏡頭位置太低，手指容易遮擋後鏡，影相時要注意了！

對應雙卡雙待，nanoSIM卡槽用指甲就開到。

後置1,300萬像素鏡頭及雙色溫LED，配套中上。

機側設有靜音掣，一推便能靜音。

機身Cool到震

另一特別之處是備有「3GB RAM＋16GB ROM」及「4GB RAM＋64GB ROM」兩個版本，記憶體罕有地多，配合目前最頂級的Snapdragon 810八核心處理器，《AnTuTu》刷出56,607超高分數，性能可見一斑。考慮到此處理器溫度較熱，手機特別加入導熱凝膠、銅合金屏蔽層及3層石墨片等散熱技術，小記摸上手的確Feel唔到好熱，只在跑大食Game時才有微溫。值得一提是此機的Home掣內置指紋識別器，登記後以指頭輕輕一印便能解鎖，方便！

用上USB Type-C介面，接線正反面都插得到。	屏幕色彩亮麗自然，Detail位出晒嚟！	《AnTuTu》得分高達56,607分，比Note 4等機王高出不少。
提供美顏、4K攝錄、HDR、縮時及慢動作等拍攝功能。	可調校音色，備有弦樂、強勁等18個Mode。	內地版沒有預載Google Play，但商店內都搵到好多Apps。