洪秀兒透出亮點

「女神髮型，襯上一條性感喱士裙，打扮一絲不苟，妝容都比其他女星艷麗。喱士裙係性感嘅象徵，透視修長美腿好吸睛、搶鏡，仲襯埋個香檳金色clutch，睇得出花咗唔少心機。」

車藝蓮妝容普通

「黑色紗裙好靚，但冇乜accessories搭配。妝容唔夠中國女星行紅地氈咁艷麗，眼線要畫粗啲，唇色亦唔夠sharp，同埋換上高跟涼鞋較呼應露肩裙。」

金高恩凸腩粗腰

「白裙其實好蝦人着，容易顯得肥胖，而佢就凸出咗肚腩，令到條腰好粗，除咗個大露背，成條裙嘅剪裁麻麻。雖然白色難carry，但如果設計師喺剪裁方面做得好，唔會有呢個效果。」

李貞賢似新娘裙

「紅色紗裙似新娘多過晚裝裙，款式太普通，加上髮型斯文，感覺似OL。紅色裙行紅地氈亦黐晒地，唔夠搶眼之餘，效果仲好普通。」

金柳妍紅bra太搶

「晒紅bra，行性感，成功突圍，不過冇戒指、手鈪配搭，耳環又唔夠矚目，我建議戴大型、誇張耳環同粗手鈪，效果會型格啲。」

文彩媛打扮師奶

「條裙係靚，鑲咗寶石閃耀生輝，不過髮型太過casual，就咁輕輕紮咗條辮，好似家庭主婦落一落街咁，唔襯條裙，應該配搭戒指呼應條寶石裙。」

吳妍書缺點腿粗

「開衩位顯得腿好粗，晚裝焦點放喺性感嘅位置，而佢就暴露咗自己嘅缺點。如果換條公主型嘅傘裙，會遮到腳部之餘，亦襯清純樣子。」

Profile：Janice Wong

王麗儀（Janice Wong），時裝作家，16年前華語媒體中首位遠赴歐美時裝周報道的時裝編輯。她經常為香港及海外的時裝設計比賽擔任評判，連美國CNN旗下亞洲生活時尚網站及香港Yahoo也分別讚譽她為「香港首位真正的時裝權威」及「時裝文化人」。