Galaxy Tab S2 5.6mm鬥薄冇得輸

提起輕薄平板，十居其九會想起iPad Air 2，但6.1mm你就覺得薄？Come On！做人畀啲要求可以嗎？講薄，Samsung剛推出的Galaxy Tab S2才是表表者，僅厚5.6mm，插入書架中恍如無物。而且仲有埋2K Super AMOLED屏幕及中港4G上網功能，8月4日正式發售，係時候諗諗轉會了。

售價︰<br>$3,088（8吋Wi-Fi版）、$4,088（8吋LTE版）、$3,888（9.7吋Wi-Fi版）、$4,888（9.7吋LTE版）

售價︰
$3,088（8吋Wi-Fi版）、$4,088（8吋LTE版）、$3,888（9.7吋Wi-Fi版）、$4,888（9.7吋LTE版）

輕勝iPad Air 2

近年平板電腦的聲勢大不如前，久久未有新機面世，今次嘅主角Galaxy Tab S2確實為市場帶來驚喜。佢最薄處只有5.6mm，不僅薄過7.5mm厚的iPad mini 3，連6.1mm的iPad Air 2也輕鬆KO，加上它備有LTE版，充當手機使用都冇問題。顏色方面則有黑、白、金3色，同樣設有鋁合金邊框，當中金色更罕有地加入啞面，冇土豪金咁浮誇。不過咁薄難免有少許(界刂)手，幸好重量分布平均，長時間拎住都唔怕攰。

藍芽鍵盤打字

玩得平板，靚芒係考慮因素之一。呢方面新機提供8吋或9.7吋兩款尺寸，比例變為更適合閱讀嘅4:3，解像度高達2,048×1,536。肉眼所見，雖然Super AMOLED屏幕帶點味精感，但顏色飽和且輸出亮麗，開啟閱讀模式後亮度色溫更懂得自行降低，夜晚煲劇都唔怕睇壞眼。針對工作需要，用家可另購專用藍芽鍵盤保護套，機身備有QWERTY按鍵之餘，仲設有觸控板，操作似足Notebook咁方便。值得留意是此機預載了《Office》及《OneDrive》程式，提供文書處理及兩年100GB儲存空間，不難獲得一班公司客垂青。

備有9.7吋及8吋兩個Size，迎合不同人士需要。

另購的藍芽鍵盤保護套將於8月中推出，售$899。

最薄處僅有5.6mm，比iPad Air 2仲要薄！

兼容中港4G

效能方面，它內置自家Exynos 5433八核心處理器及3GB RAM，撥頁開Apps反應相當快，影相時對焦存相亦見流暢。要讚的還有鏡頭，雖然只有800萬像素，但既支援F1.9大光圈及2K攝錄，又提供雙鏡頭拍攝、HDR、全景、專業及美肌模式，加上復古、卡通等大量濾鏡，影人影景夠晒用。一如上代，此機備有Wi-Fi及LTE版兩個版本，前者對應802.11ac制式；後者則兼容中港兩地3G及4G網絡，北上使用零舍方便。現在買家還可享有價值$150的Expedia現金優惠代碼，並有機會獲得一晚日本酒店免費住宿，詳情可留意官方facebook（網址：www.facebook.com/SamsungMobileHK）。

機側可插microSD卡，最高支援128GB。	金、白、黑三色機身，黑白兩色於8月4日開售，金色則延至8月下旬。	預載《Office》及《One Drive》程式，文書工作必備。
閱讀模式會自動調節屏幕亮度及色溫，長時間觀看都唔易眼攰。	內置美顏模式，可柔肌、加亮臉部及模糊背景，Selfie必備。	取景時可加入復古、卡通等不同濾鏡，嫌唔夠仲可上網下載。