4.9mm激薄4K TV！ X9000C懸浮觀感

睇電視何止睇正面，有時連側面都睇埋！Sony新推出的BRAVIA 4K電視X9000C，除了用上極幼邊框配搭懸浮設計誘人外，機側更可看到薄到離譜嘅設計，觀感贏晒！咁究竟一部65吋電視可去到幾薄？答案係4.9mm，薄過晒所有iPhone等主流手機。
X9000C將於8月12日推出，由即日起至8月2日為預售期，會額外附送BDP-S7200藍光影碟機及兩副TDG-500P 3D眼鏡。<br>售價：$36,980（55吋）、$49,980（65吋）
X9000C將於8月12日推出，由即日起至8月2日為預售期，會額外附送BDP-S7200藍光影碟機及兩副TDG-500P 3D眼鏡。
售價：$36,980（55吋）、$49,980（65吋）

新背架掛牆更貼服

要將65吋巨屏偷到得4.9mm咁薄，Sony用上特別的裝嵌技術，將每層組件盡量刪減並造得貼服。若大家對4.9mm冇乜概念的話，不妨以手機比對，例如iPhone 6厚度都有6.9mm，足見X9000C薄到有幾誇張！當然電視下半部要加裝底板、內部零件及連接介面，會變得厚少少，但配合纖巧腳架及幼邊框設計，令新機無論正面或側面都一樣吸引。值得一提是廠方今次提供新款U形背架，掛牆時可令機身更貼服，凸顯薄機魅力。

4K處理器X1提升畫質

除了外形吸引，X9000C的顯示畫質都好有水準，提供3,840×2,160解像度，利用TRILUMINOS Display技術準確地重現紅、綠及藍色調，並能透過4K X-Reality PRO技術配合Reality Creation數據庫，顯示出更鮮艷效果。值得一提是新機配備4K處理器X1，無論輸入訊源係原生4K內容、標清或高清，都可提升畫面的清晰度、色彩準繩度及對比度。雖然目前4K內容並唔多，但睇高清片時「升頻」到4K效果都唔錯。

電視只有4.9mm厚度，比模特兒手中的手機更薄。
  • 電視只有4.9mm厚度，比模特兒手中的手機更薄。
X9000C備有實況足球模式，下月歐洲各大足球聯賽開鑼最啱用！
  • X9000C備有實況足球模式，下月歐洲各大足球聯賽開鑼最啱用！
採用新版本Android L電視系統，圖像化介面設計簡潔。
  • 採用新版本Android L電視系統，圖像化介面設計簡潔。

Android語音辨識

BRAVIA電視由2005年推出至今剛好10周年，今次最大突破是改用Android系統簡化操作介面。X9000C搭載了最新Android L電視系統，可直接連上Google Play下載應用程式及遊戲。另提供Google Cast功能，可簡單地將手機、平板及手提電腦的內容同步至電視，同時亦可繼續於流動裝置上網。另一過癮之處是支援語音輸入搜尋功能，跟機附送的「一觸」遙控器RMF-TX100E，對住佢講廣東話或英文都可輸入關鍵字進行搜尋，小記測試時發覺語音辨識度和速度都幾快！

可透過Google Play下載應用程式外，亦支援以APK方法安裝。
  • 可透過Google Play下載應用程式外，亦支援以APK方法安裝。
延續纖薄機身設計，金屬腳架同樣纖巧。
  • 延續纖薄機身設計，金屬腳架同樣纖巧。
從機側可看到4.9mm薄到有幾誇張！
  • 從機側可看到4.9mm薄到有幾誇張！
機背提供相當全面的連接介面選擇。
  • 機背提供相當全面的連接介面選擇。
附送的「一觸」遙控器RMF-TX100E內置收音咪，可作語音輸入之用。
  • 附送的「一觸」遙控器RMF-TX100E內置收音咪，可作語音輸入之用。
測試區 ：<br>X9000C配上超幼邊框設計，觀感相當出眾，在TRILUMINOS Display技術加持下，層次分明及色彩鮮明之餘，又沒有一般電視過分修飾的味精感。
  • 測試區 ：
    X9000C配上超幼邊框設計，觀感相當出眾，在TRILUMINOS Display技術加持下，層次分明及色彩鮮明之餘，又沒有一般電視過分修飾的味精感。
HT-CT780內置19mm高音單元，音效表現不俗。
  • HT-CT780內置19mm高音單元，音效表現不俗。

同場加映：新款Soundbar纖薄登場

如想為X9000C配番套音響系統，Sony新推出的纖薄Soundbar最為適合，HT-CT780備有一個條狀喇叭及重低音喇叭，總輸出功率達330W，機身高度為55mm，最吸引是可放於X9000C電視下方的空位，可說是其最佳配搭。

撰文：布偉倫

攝影：盧展程

查詢電話：2345 2966