衝上400呎！ Typhoon Q500+「航」風襲港

夏天係颱風季節，每當打風時很多人情願留喺屋企避之則吉，不過有一個颱風就人人都鍾意，說的是Yuneec推出嘅Typhoon Q500+航拍機，內置雙GPS定位系統，可飛至400呎高空，並支援1,080p高清拍攝；最正係一體化設計，按掣即可自動返航，就算航拍新手都可以一玩上手！

Typhoon Q500+可在空中停留拍攝，至啱新手！<br>售價：$8,580（普通版連1枚電池）<br>$9,750（專業版連鋁箱及2枚電池）

Typhoon Q500+可在空中停留拍攝，至啱新手！
售價：$8,580（普通版連1枚電池）
$9,750（專業版連鋁箱及2枚電池）

續航25分鐘

近年「航」風勁過韓風，航拍機愈出愈多，但真正有質素嘅5隻手指數得晒。港產Yunnec算係其中之一，廠方以電動載人飛機起家，載部Cam飛上天自然難唔倒佢。最新Typhoon Q500+參考空氣動力學設計，由摩打配置、旋翼到機身結構都經過航空工程考量，而且裝拆容易，玩家只需用工具扭上4支螺旋槳就玩到。機身連電池僅重1,700g，負載輕自然用電少，例如由起飛點計可飛上400呎高空並夠玩25分鐘，比一般只玩到十幾分鐘嘅航拍機長氣得多。

自拍輕易上手

玩航拍機最怕難上手，今次一於請航拍達人Rickson教路，他表示︰「Q500+旋翼夠大加上轉速較慢，不但能減低噪音，而且穩定性高，我用呢架機教過15~70歲嘅學生，基本上都可以好快上手。」最正係遙控器備有「Follow me」及「Home」模式，前者航拍機會自動追蹤遙控器拍攝，適合作Selfie之用；後者則能讓航拍機自動返回起飛點，確保不會失蹤。針對進階玩家，它還備有Angle Mode控制拍攝角度，玩家甚至可熄掉GPS定位，讓它提升飛行及轉向速度，過足遙控飛機癮！

遙控器內置5.5吋觸屏，毋須另駁手機。畫面可詳細顯示實況及飛行參數，一目了然！

用上一體化設計，但由於冇得變細，攜帶冇咁方便。

CGO2+三軸雲台鏡頭提供115度廣角，畫面真實。

遙控器植入屏幕

此機本身已連接CGO2+三軸雲台鏡頭，毋須另外加裝GoPro或相機，便能拍出115度廣角、1,080p@60fps高清畫面。小記今次於元朗南生圍測試，發現影片穩定且色彩豐富，亦沒有誇張的魚眼變形效果，感覺猶如鳥瞰般真實。遙控器是另一賣點，其他航拍機要額外裝上手機當屏幕，此機的遙控器卻植入5.5吋輕觸式屏幕，唔使裝App便能即時傳送畫面、飛行設置及各種參數。現場實測完全冇Delay，傳輸距離仲遠達600米；跟機送埋遙控器的遮光罩，戶外強光下都睇得一清二楚！