Walkout 密會泰姐

近期港姐面試新聞成為熱話，回顧歷屆港姐，最深得網民歡心的似乎是譚小環，一句「靚唔可以當飯食！」，卸下冠軍光環，開設小食店自食其力；另一邊廂，靚爆鏡的2007年泰國小姐亞軍Pattra Devahastin本可過着少奶奶生活，不過去年也開設網上蛋糕店，更開班授徒教整餅，「入得廚房」比「出得廳堂」更為難得，回想起美的準則，從來都是內在美比外在美持久。
跟泰姐Pattra（左）學整餅的多是年輕少艾，因為要整畀Honey食囉！
跟泰姐Pattra（左）學整餅的多是年輕少艾，因為要整畀Honey食囉！

泰姐落區教整餅

人靚聲甜的Pattra讀書時便開始親自下廚，她對甜品特別有興趣，於是留學澳洲時便報讀甜品課程，更立志開設甜品店。去年她終於一償心願，開設網上蛋糕店Creamtea Bakeshop，每逢周末更會親自上陣教整甜品，學生以女士及小朋友為主，亦有來自香港及新加坡的旅客參加課程，雖貴為泰姐，但極有人緣。

最令人驚喜的，是課室竟是民居！不過男士們咪誤會，唔係Pattra屋企，選擇把民居當課室，除了租金原因，亦因為她奉行小班教學，希望讓同學知道就算是屋企廚房，一樣炮製到有水準的甜品，不過隨着學員增加，她將於年尾正式上舖開Cafe，希望她將來的甜品班規模大了，不會改變她親力親為的親切作風吧。

Pattra奉行小班教學，一班大約只收5位學生。
  • Pattra奉行小班教學，一班大約只收5位學生。
Pattra表示凡有心形圖案的蛋糕、甜品都非常受歡迎。
  • Pattra表示凡有心形圖案的蛋糕、甜品都非常受歡迎。
加入M&M’s去焗的曲奇，成為泰姐曲奇班一大成名作。
  • 加入M&M’s去焗的曲奇，成為泰姐曲奇班一大成名作。

Creamtea Bakeshop

地址：100/43 Waterford Condo, Sukhumvit 55, Thonglor 9, Klongtoey, Bangkok

收費：曲奇餅課程每位2,300 Baht（約HK$528）

網址：www.facebook.com/creamteabakeshop

將黃糖、白糖及牛油拌勻至軟身狀，並拌入雞蛋及雲呢拿精油。
  • 將黃糖、白糖及牛油拌勻至軟身狀，並拌入雞蛋及雲呢拿精油。
曲奇製作簡單，但準備材料分量時其實最好使用電子磅。
  • 曲奇製作簡單，但準備材料分量時其實最好使用電子磅。
如果家中沒有機器，用人手拌勻一樣冇問題。
  • 如果家中沒有機器，用人手拌勻一樣冇問題。

大熱M&M's曲奇造法大公開

Pattra提醒大家材料分量需要拿捏精準，如果是1杯黃糖，那便將黃糖裝滿，然後用膠板或刀背於杯邊位置將黃糖掃平，藉以加強精準度。最後，曲奇出爐後需放涼後入袋，以免影響口感！

i.預熱焗爐至180度。

ii. 將黃糖、白糖及牛油拌勻至軟身狀，並拌入雞蛋及雲呢拿精油。

iii.加入中筋麵粉、梳打粉及泡打粉，拌勻後，分20份並搓成球體狀。

iv.用M&M's裝飾曲奇。

v.用180度焗10分鐘，放涼即大功告成。

此護甲店十分旺場，連閒日都要預約。
  • 此護甲店十分旺場，連閒日都要預約。
高貴大方的Pattra最愛法式修甲。
  • 高貴大方的Pattra最愛法式修甲。
修甲店竟然有五分之一客人是男士，光顧過後，再也不麻甩。
  • 修甲店竟然有五分之一客人是男士，光顧過後，再也不麻甩。

雙手白滑有竅妙

經常下廚的泰姐非常着重手部護理，既然香港遊客如此愛到泰國做Spa和護理，她也推介自己每星期會到的修甲店。20 Nail Studio除了多女顧客，原來店中有五分之一是男顧客！連男士也愛修甲形及拋光，難怪舖頭十分旺場！店中格局似足沐店，設有真皮椅子、小浴缸及電視機，設備完善。Pattra跟大部分顧客一樣，每次光顧主要以修甲及塗指甲油為主，尤其是法式修甲，由於此店師傅手勢一流，喱士、閃石、複雜如超人卡通圖案都一樣畫得到，堂堂一個泰姐試盡曼谷多家店，也極力推介此護甲店，所以各位下次到Central Embassy行街，不妨考慮帶埋Honey一齊試！只怕麻甩佬一試愛上，下次會自己偷偷來曼谷，不是偷食，是磨甲！

飾物是Siwilai一大吸引之處，令客人見識泰國本土的設計及Craftsmanship。
  • 飾物是Siwilai一大吸引之處，令客人見識泰國本土的設計及Craftsmanship。
甫進店內，Pattra已急不及待將衣服埋鏡併併。
  • 甫進店內，Pattra已急不及待將衣服埋鏡併併。
此店男裝部不論款式或剪裁都很日系，所以男士別以為來曼谷不會「失手」。
  • 此店男裝部不論款式或剪裁都很日系，所以男士別以為來曼谷不會「失手」。

20 Nail Studio

地址：1031 Ploenchit Road, Pathumwan, Bangkok, 10330, Central Embassy, 4th Floor

收費：法式修甲800 Baht（約HK$183）

網址：www.facebook.com/20nailstudio

狂掃晚裝短裙

Pattra作為公眾人物，買衫Shopping自然是每月例行公事。她光顧的店也是港客熟悉的地方，例如Central Embassy，她特別推介5樓的Siwilai，此店有不少泰國本土Designer的作品，由便服、晚裝、配飾到護理用品都應有盡有，店中更設有Cafe，因為此店貨色實在太多，Pattra自己每次動輒要留2小時。

店中的便服、晚裝、鞋、手袋和配飾排列得井然有序，Pattra一來便到成層樓咁高的陳列架挑選高跟鞋及Clutch Bag，她最讚賞此店的晚裝，Cutting及用料都極好，近年泰國時裝冒起，不少曾留學外地的Designer紛紛設立自家品牌，當中THAKOON ADDITION便是其一，主打高貴帶玩味的連身裙，連美國總統夫人Michelle Obama都是客人之一，難怪此店能成為Pattra的尋寶勝地。店內男裝選擇一樣豐富，當中有不少入口牌子，陪女士行街的男伴話唔定會有意外收穫。

Siwilai

地址：1031 Ploenchit Road, Pathumwan, Bangkok, 10330, Central Embassy, 5th Floor

營業時間：10:00am~8:00pm（星期五及六開至10:00pm），Cafe全天候為10:00am~10:00pm

網址：www.siwilaistore.com

TRAVEL NOTES

簽證：持特區護照或BNO均毋須簽證

機票：香港來回曼谷經濟客位約HK$2,464起

貨幣：HK$1約兌4 Baht

天氣：6月氣溫約25℃~33℃

租車：T for Transport Co.,Ltd提供租車服務，曼谷市內遊（連司機、油費及天橋收費），8小時約3,200 Baht（約HK$735）。

查詢：www.tfortransport.com

特派記者：莫頌欣

鳴謝：奧運旅行社、泰國旅遊局