我家公司兼營廣告創作及製作，誰都曉得廣告客戶從來都是些奇怪的人，尤其是他們的老細，總能想出千奇百怪的原因去Ban橋。我個人冇乜耐性，一聽到奇怪說話就會翻眼，所以盡可能都不去接觸客戶，由一些Nice同事代勞。
可奇事總是傳千里，隔着一重山，我都可以聽到客戶們對廣告創作的奇怪意見。例如有客戶會話，你條橋太過Focus喺20、30歲啲人，改橋之後他又說，你條橋太Focus喺十幾歲啲人，又改橋之後他竟說，你條橋依家冇咗特定對象……又試過有客戶講到明想搞笑但怕有政治嘢會得罪政府，那當然OK，品牌是你的，你也有權自我審查怕政府。
最後交橋，有娛樂嘢有共鳴嘢之餘，有個位好啱加個關金正恩事嘅嘢落去，客戶回覆金正恩太敏感……原來他們不只怕得罪香港政府，還怕得罪北韓政府……我絕對同意毋須要所有事都跟政治扯上關係，但最好的廣告創作態度，也應該不要潔癖得太過誇張。
像近期朱古力品牌廣告，大抽政治人物講錯嘢之水，不止在地廣告成功，還連帶把廣告訊息送到網上，讓觀眾自己繼續玩下去。
我完全想像得到該廣告公司在Sell此橋時會遇到甚麼樣的難關，之所以相比起這條橋，很多從事廣告相關行業的朋友就更加欣賞他們背後說服品牌話事人接受點子的毅力。那絕對可以得廣告大獎中的AS大獎。
網址：www.facebook.com/linrixi