Heroes of the Storm暗黑魔獸爭霸戰

唔少日系Game廠都會推出明星大亂鬥遊戲，估唔到連美國Blizzard Entertainment，最近都開發《暴雪英霸》（Heroes of the Storm），結集《魔獸爭霸》、《星海爭霸》及《暗黑破壞神》3大系列英雄人物。遊戲以MOBA（Multiplayer Online Battle Arena）玩法為主，講求戰術和合作，同朋友組成英雄隊伍或者惡霸團隊勁爽！

《暴雪英霸》（Heroes of the Storm）

結集3大熱門遊戲系列

《暴雪英霸》其實年初已開始封測，直至今個月初正式上市。遊戲推出時仲有幾多好處回饋玩家，如6月10日或之前登入萬象界域可獲得特殊遊戲頭像，上市3個星期內有增加經驗值活動，記得第一時間下載呀！遊戲結合《魔獸爭霸》、《星海爭霸》及《暗黑破壞神》3大系列人物，暫時收錄了37位英雄，不過由於《魔獸爭霸》角色較多，較易塑造出如輔助系或戰士系角色設定，廠方話將作出微調，好似上市日便加入《暗黑破壞神》的聖教軍英雄喬安娜。

更換Skin造型帶來變化

遊戲玩法相當豐富，如提供多種自訂選項，可為英雄加入不同Skin造型，除了改變角色外觀，亦會影響到技能呈現的方式，令每個英雄都有多種變化，角色還可配合不同坐騎提升玩味。戰場設計是遊戲一大重點，今集暫時設有7幅地圖，除了有嘍囉NPC外，當中還會結合地圖任務，佔領較多一方會佔有較大優勢，目前地圖用上較常見的三線進攻路線設計，玩開同類遊戲嘅玩家相信會較易調整進攻策略。

《星海爭霸》角色泰科斯將會於遊戲中現身。

遊戲暫時收錄了37名英雄角色，當然有人氣極盛的諾娃。

7幅遊戲地圖多以三線進攻設計，開發團隊將加入更多元素。

今年11月舉行世界大賽

遊戲並非只側重有經驗嘅玩家，亦設有不同程度的模式供玩家選擇，可透過Quick Match跟自己實力接近嘅玩家對戰；如果自問技術了得的話，更可參加Hero League及Team League，跟其他有實力嘅隊伍打排名戰。雖然遊戲只是剛上市，但開發商早已安排於今年11月BlizzCon舉行第一屆《暴雪英霸》全球聯賽，獎金獎品總值高達120萬美元，屆時便知道到底邊個國家嘅電競高手先至係《暴雪英霸》之王。