Canon Vs Nikon 入門單反 競攝龍舟

EOS 760D操控更Pro

Canon近排出嘅新機都鍾意「打孖上」，全片幅單反有5DS同5DS R，而入門級就有760D及姊妹機750D，其實設計同個餡幾乎一樣，只係小改款迎合不同用家需要。

好似今次測試嘅760D，喺機頂加入液晶屏幕顯示數據，機背又有操作轉盤，用起上嚟Pro少少，啱晒機Gor嘅Style。

規格表

感光元件：2,420萬像素CMOS

轉換系數：1.6倍

屏幕：3吋104萬像素

快門：1/4,000~30秒

感光度：ISO 100~25,600

體積：131.9×100.9×77.8mm

重量：520g

D5500 設計輕巧

雖然Nikon D5500外形同上代冇乜分別，但內裏卻作出大幅改良，不僅機身減磅至420g，機動性十足，仲具備3.2吋輕觸式屏幕，篤芒靈敏又流暢，最過癮係新加入「指定觸控Fn」功能，用觀景器取景時能夠捽芒調校對焦點、光圈、感光度設定，都算係單反嘅突破。

頂部設有液晶屏幕，以顯示拍攝參數。	背面用上3吋輕觸式扭芒，以便高低角度取景。	Nikon D5500 售價：$6,180（淨機身）、$8,580（連18~140mm鏡頭）（b）

規格表

感光元件：2,420萬像素CMOS

轉換系數：1.5倍

屏幕：3.2吋103.7萬像素

快門：1/4,000~30秒

感光度：ISO 100~25,600

體積：124×97×70mm

重量：420g

第1回合：鬥遠攝畫質

由於影龍舟所企嘅位置，與競賽中嘅健兒有一定距離，所以機Gor揀咗高倍變焦嘅Kit鏡上陣，Zoom到盡影差唔多等於135格式嘅200mm左右；加上兩機都擁有2,420萬像素，若然支鏡唔夠長仲可以裁相Crop大頭。

背面備有圓形操控按鍵，手感相當不俗。	採用3.2吋屏幕，擁有反芒和觸控功能。	第1回合：Draw 760D的顏色相當豐富，而且成像細緻，凸顯出水面波紋層次。

成像方面，760D的高飽和度令龍頭上嘅色彩盡現，而且水面的波紋富有層次感。至於D5500銳利度較高，輪廓邊線夠實淨，尤其是拍攝龍舟競渡，其高反差能表現出比賽張力，兩機鬥得難分難解。

D5500銳利度高，加上高對比度能表現出競賽的戲劇性。	第2回合：Win D5500可選擇9點、21點或39點對焦點，並加入「指定觸控Fn」功能。	760D有19點十字形對焦點，對焦精準，但數量唔夠對手多。

第2回合：鬥對焦能力

運動攝影講求速度，無論連拍、快門及對焦，最緊要用落爽手。今次兩機都擁有每秒5張連拍速度，連續追焦能力可謂不相伯仲，基本由近至遠都係一Focus即中。760D擁有19點全十字形自動對焦系統，對焦精準度高。

第3回合：Win 760D對應的《Canon Camera Connect》App，提供光圈、快門等拍攝資訊，而且操控沒有時滯問題。	D5500的《Wireless Mobile Utility》App介面豐富，不過影完每張相都要下載影像，處理需時。	DC Fever總編輯Jeffrey

D5500的對焦點則有得揀9點、21點或39點，令對焦位置更精準之餘，仲可透過「指定觸控Fn」功能，用拇指捽芒揀選對焦位置，相當方便。

第3回合：鬥App操作

兩機都備有Wi-Fi功能，方便機Gor經智能手機遙控拍攝，仲可第一時間擺上網。760D更具備NFC技術，拍一拍機身即可連線，而《Canon Camera Connect》App介面清晰又易用，最重要係冇時滯問題，影完相唔使Load好耐。至於D5500所對應嘅《Wireless Mobile Utility》App用法大同小異，有齊光圈、快門等資訊，不過影完之後需要等佢慢慢將相片下載到手機。

達人教路：DC Fever總編輯Jeffrey：「善用快門速度拍出不同感覺！」

「影龍舟最基本要有支長炮，以城門河為例至少要有400mm焦距先影到大頭，不妨利用逆光環境勾畫出主體輪廓，又或者以1/60s左右的快門，捕捉扒龍舟時的手部殘影。若要拍出水花四濺效果，可使用快門先決拍攝，利用1/1,000s快門凝結水花，效果充滿動感。」

機Gor Report：入門價錢 進階味道

雖然Canon 760D和Nikon D5500的定位入門，但實試後無論規格、操作和反應都滿有進階單反味道，影龍舟唔使再靠旗艦機加長炮，入門機一樣影到專業效果。機Gor鍾意760D加入混合式CMOS自動對焦III系統，提升Live View時的對焦速度，比起上一代系統快4.8倍。D5500則機動性強，擺脫了單反笨重形象，而「指定觸控Fn」功能揀對焦點唔使逐次按，買嚟畀女友用就最啱。

Profile

機Gor

機不離身，不信Spec只信測試，不扮高深，懶理低俗，貪新不忘舊。

撰文：機Gor

查詢電話：（a）3191 2333、（b）2907 1122