靚料漢堡 陪你睇戲

預先買了晚上7點半的戲飛，豈料臨時臨急要OT，趕到戲院已即將開場，捱餓事小，被人聽到肚皮打鼓才最尷尬。你可能會話：「可以買爆谷熱狗食住先！」但空肚食爆谷點充飢？熱狗餐同樣貴夾唔飽。最近去Popcorn商場睇戲，所有問題都迎刃而解，因為戲院旁邊開了一間Burger Republic，觀眾可以名正言順外賣漢堡包、薯條、奶昔入場慢慢歎。
蘑菇洋葱芝士漢堡 $59<br>安格斯牛扒肉汁豐沛，肉味香濃，配搭芝士、蘑菇、洋葱3種材料加倍滋味，值得一提是烤成焦糖質感的洋葱香甜爽脆，令人回味無窮。
蘑菇洋葱芝士漢堡 $59
安格斯牛扒肉汁豐沛，肉味香濃，配搭芝士、蘑菇、洋葱3種材料加倍滋味，值得一提是烤成焦糖質感的洋葱香甜爽脆，令人回味無窮。

健康原則

主力做外賣生意的Burger Republic對用料相當重視，8款漢堡中有5款嚴選100%安格斯牛肉製作，先將牛肉用人手搓成漢堡扒，煎肉時不加油，再配搭新鮮番茄和蔬菜，符合健康飲食原則。

至於另外3款烤雞扒漢堡、牛油果醬雞扒漢堡及炸魚柳芝士漢堡亦堅持自家醃製調味。

牛油果醬雞扒漢堡 $59<br>用牛奶及香草醃製的雞扒肉質零舍嫩滑，配以美國牛油果醬與酸忌廉帶來豐富層次感，酸甜開胃，滋味與別不同。
  • 牛油果醬雞扒漢堡 $59
    用牛奶及香草醃製的雞扒肉質零舍嫩滑，配以美國牛油果醬與酸忌廉帶來豐富層次感，酸甜開胃，滋味與別不同。
焦糖奶昔 $46<br>分量十足的自家製奶昔，用雪糕打成，帶來冰凍又幼滑的質感，不加冰保持濃稠滋味，加忌廉更香滑，配套餐抵食之餘又夠飽肚。
  • 焦糖奶昔 $46
    分量十足的自家製奶昔，用雪糕打成，帶來冰凍又幼滑的質感，不加冰保持濃稠滋味，加忌廉更香滑，配套餐抵食之餘又夠飽肚。

奶昔大滿足

薯條與奶昔也是值得一試的招牌作，炸得金黃香脆的薯條共有黑松露芝士、酸忌廉牛油果、英式鹽醋、芝士燒汁等8種特色口味，嫌漢堡包太飽滯，帶薯條入場也是不錯的選擇。

而一個包括漢堡包、薯條、汽水的套餐由$73至$83不等，怕肥的話薯條可以改成沙律菜，幫你Keep住苗條身形。至於轉奶昔就要另加$20，聽落不算便宜，但用雪糕自家打成，不僅質感特別香滑，更有香蕉、綠茶、薄荷朱古力、Baileys咖啡忌廉甜酒等10款味道選擇，比起飲汽水滿足得多。

撰文：楊雅菁

攝影：張錦昌

查詢電話：2568 1199