Time Lapse達人教路縮時攝香江

一年時間籌備

雖然Francis接觸攝影前前後後有近10年時間，但玩咗Time Lapse兩年已成為達人。「2013年唔覺意上網睇咗一段《New Zealand Landscapes Timelapse Volume Two》縮時影片，覺得風景極之壯觀，而且拍攝手法吸引，於是心思思想試玩，並且定下目標用1年時間拍攝，結果製作咗《我所看見的美麗香港》。」小記上網睇此段短片時，起初仲以為係外國風景，後來才知道是蒲台島、大帽山、大東山等景點，Francis指出香港仲有很多靚景有待發掘，自己最鍾意嘅拍攝地點係蒲台島，皆因這屬香港最南的島嶼，光害較少，瞓喺度便看到星空。

電動雲台加路軌

今次Francis一口氣橫掃葡萄牙舉行的第四屆天涯海角藝術和旅遊國際電影節的4個獎項，當中包括Prize of Mountain Tourism冠軍、Prize of the Best Timelapse亞軍、Prize of Places in History亞軍，以及Prize of Nature and Wild季軍，擊敗了48個來自世界各地的對手，從180件作品中脫穎而出。

即使沒有相機在手，Francis都可利用iPhone 6 Plus及小型腳架玩縮時攝影。	Francis表示若然地點便利，會出動路軌拍攝。	後製軟件 後製縮時影片時，Francis會用《Lightroom》軟件為相片作簡單調色及Tune光暗位，然後作JPEG輸出，再利用《LRTimelapse》軟件將多張相片疊加為一段影片。由於它內置除閃爍功能，適合製作日出日落呢類光差大的題材。

Francis教路，拍攝縮時影片最基本是將相機Set定喺腳架，再每隔數秒鐘至數小時拍攝，出來已像National Geographic的影片般可看盡風景變化。

想睇Francis於葡萄牙電影節的得獎作品，可到YouTube搜尋「我所看見的美麗香港」或「Seen By My Eyes」。	有興趣欣賞Francis的作品，可到其面書專頁www.facebook.com/franso。	Francis正鑽研Hyper Lapse拍攝，以邊走邊拍的方式玩縮時攝影。

「假如影日出日落環境，我會用每8~10秒一張，至於夜景則大約每5~10秒一張，星空就會用到每25~30秒一張。我平時上山會帶備兩部相機、兩支腳架、幾支鏡頭、快門線等，若然拍攝地點可駕車到達，仲會帶埋電動雲台同路軌，只要喺電動雲台Set好角度、拍攝時間和張數，拍出嚟條片便可加入移動效果。」

其實Time Lapse可透過相片形式，表達出靜態的縮時變化。	大帽山 交通便利，能駕車到達，加上氣象變化大，日出和雲海景致不俗。	大東山 有爛頭營襯托，春天較多雲霧，而深秋時分日光照射芒草十分吸引。

iPhone玩縮時

稱得上攝影達人，器材對於Francis來說唔係最重要，就算用手機一樣玩到Time Lapse，他笑稱：「有時候冇帶相機喺手，都會用自己部iPhone 6 Plus玩縮時，事關裏面已預載縮時攝影功能，完全毋須裝任何Apps就玩到，之不過用手機拍攝就冇得Set間隔時間。另一點要注意是帶埋手機夾和腳架仔，若果隻手夠定的話，手持拍攝都有不錯效果。」

蒲台島 香港最南端的島嶼，相對較少光害，容易拍攝星空美景。	器材一覽 Francis選用Canon EOS 6D單反相機，當沒有電動雲台時會連上快門線拍攝。	eMotimo TB3電動雲台附有遙控調校設定，售價約1,000美元。

鑽研Hyper Lapse

Francis話不會因為獲獎而自滿，反而會繼續努力，近期便鑽研Hyper Lapse玩法，並於葡萄牙試拍了幾段片。其實Hyper Lapse屬於進階版縮時攝影，每拍攝一張相片，攝影師都會連人帶腳架一併移動，營造出邊走邊拍效果，最大難度是移動的距離要相若，並要計算好路線。

玩Time Lapse建議帶備三腳架，作間隔拍攝之用。

Francis平時上山會帶備的器材，包括三腳架、單反相機、電動雲台等。

撰文：黎子豪

攝影：蔡浩文（部分相片由受訪者提供）