耶穌常勸勉世人，不要將財富的地位放得太高：「因為你們的財寶在哪裏，你們的心也在哪裏。」這個道理不易叫人信服，尤其是「搵錢至上」的香港人，不是說：「冇錢就萬萬不能」，就是說：「冇錢，邊個養我呀？」
某天，在查經聚會上，又談到同一問題，竟引發一輪有趣的討論。
年輕組長叫大家不要將錢看得過重，一位婆婆即時發炮：「你鋪話法吖！冇錢，我點睇醫生同買藥呀？」
組長冷不防有此一問，頓時語塞，不知怎樣回應。誰知，同桌另一名初信的婆婆竟然主動替他解圍：「咁你係咪想用晒啲錢來睇醫生？」
如此一回，反令發問的婆婆呆在當場，她支支吾吾的說：「邊有人想用晒啲錢嚟睇病o架？梗係希望用嚟買吓嘢食， 去玩吓啦！」
房間內其他長者見婆婆似乎有所退縮，竟一起加入戰團：「咁咪係囉！你應該祈禱，叫上帝賜畀你健康，而唔係叫佢準備啲錢畀你睇病！」又有人說：「你唔健康，佢畀幾多錢你都冇用啦！」各人輕輕鬆鬆地「左右包抄」，發問的婆婆最終都明白了：「好，我今晚就同上帝講，我要健康唔要錢！」
對這班老友記的妙語連珠，年輕組長暗暗稱奇，亦感激他們三言兩語便替他解圍。
筆者也有類此經歷，一次聚會上，有人問：「上帝唔係話會供應我哋日常所需咩？咁我做咩仲要祈禱，叫佢賜我飲食？」
我還在消化此問題時，旁邊那位80歲的婆婆便從容地說：「你信佢會幫你，你先會求佢嘛！」一語中的，在場各人恍然大悟， 我心裏拍案叫絕。
不要小看這些長者，有時他們對上帝和《聖經》的理解， 比我們這些（所謂）年輕人更來得清晰和透徹。
網址：www.facebook.com/newpapaclub