青年事務委員會主席劉鳴煒先生談到香港樓價高低以至年輕人置業問題時，反問年輕人會否為買樓而少點看電影和少點去日本。
年輕人對劉先生的言論普遍感到憤怒，劉先生回應時補充，個人儲蓄習慣人人不同。對，個人儲蓄習慣人人不同，於是身為青年事務委員會主席的劉先生以及身為青年傳媒人的我，就更有責任為年輕人提供多樣多面的價值觀。
既然劉先生已提出少看戲少旅行後買樓之看法，我就好應該講出自己的想法，讓年輕人不致只走一條大路。
我現在真心呼籲，年輕人買少啲樓，要睇多啲戲同去多啲日本。
古語有云：讀萬卷書不如行萬里路，買天價樓不如去日本抖。
辛辛苦苦儲下首期，死慳死抵咁供樓，日捱夜捱地為地產商貢獻一生，其生活悲涼境況可想而知。
相反定期出國旅遊，呼吸一下新鮮空氣，到處增廣見聞，才會醒覺人生也有其可愛之處。
尤其去日本小休，該是香港人多年來的最佳集體放空活動。被繁忙工作逼得斷氣之前，要是連去日本的機會都給奪去，打工仔就真能夠體會甚麼是無間地獄無限輪迴了。
一年去一次日本遊覽，東京大阪福岡北海道邊度都好，吃得好看得好玩得好，做人可以做多幾年；留在香港買一層迷你樓，每天能夠看到的風景就只有四面破落的牆，隨時就過勞而死。你會點揀？
網址：www.facebook.com/linrixi