神器五代EXILIM TR60邊框觸控

相隔幾個月，Casio自拍神器又有新作，數數手指今次的EXILIM TR60已是第五代，究竟仲有乜新噱頭？原來除咗拍攝模式更多嘢玩，最特別係加入Selfie Pad設計，使機身外框支援觸控功能，單手操作更方便。日前仲大搞發布會，請來幾位本地時裝設計師以Catwalk形式介紹新機，可見自拍神器再唔係Gadget咁簡單，仲係Fashion Icon！

Lilian Kan創辦KanaLili品牌，專為女士設計晚裝、便服等。她表示最喜歡新機的Selfie Art效果，令畫面猶如仙境一樣。

Selfie Pad一觸即拍

愈來愈多科技產品具備觸控功能，TR60不僅擁有3吋篤芒，更將輕觸技術套用到邊框之上，並命名為Selfie Pad。用家只要以手指輕觸或滑動框架快門鍵的區域，即可選擇拍攝、變焦或Selfie Art模式，單手都可輕鬆操控。

時裝設計師Lilian Kan大讚此設計：「其實之前都有用過自拍神器，但揸機之餘要按鍵和篤芒，新機完全唔使掣，只要摸一摸邊框就影到相，用落方便好多。」

配備21mm超廣角鏡頭，輕易拍出尖臉效果，鏡頭外圍輔以水晶裝飾。

售價：$8,880/各

放大圖片

仙境效果女士必冧

Selfie Pad支援唔同功能，當中Selfie Art模式具備優雅、唯美、仙境、懷舊、艷麗及1:1正方形相片，有成6種自拍藝術風格，如1:1正方形相片好明顯專為Instagram而設，唔使後期剪裁便能即時分享。

TR60提供4種春日色系，當中粉紫和粉綠的表面用上凹凸菱形花紋設計，珍珠白及粉紅則是平滑表面。

TR60提供4種春日色系，當中粉紫和粉綠的表面用上凹凸菱形花紋設計，珍珠白及粉紅則是平滑表面。

內置950mAh電池，大約可拍攝240張相片。

Selfie Art共有6種自拍藝術風格選擇。

Lilian續說：「Selfie Art咁多種特效之中，我最鍾意仙境效果，影出嚟白蒙蒙真係有啲仙境Feel，同個名好貼切。」

以手指輕觸或者滑動Selfie Pad邊框，即可影相或選擇功能。

框架特設快門鍵，旁邊位置正是Selfie Pad的觸控區域。

Make Up Plus功能擁有12級膚色和平滑肌膚。

內置自動傳相技術

自拍神器向來最強係美顏功能，TR60沿用Make Up Plus功能，提供12級膚色和平滑肌膚選擇，立即美白又得，變黑亦得，仲能幫各位袪除臉部瑕疵。加上新機引入EXILIM Auto Transfer技術，支援Wi-Fi及藍芽無線功能，只要配對《EXILIM Connect》App，影相後便能自動將相片傳至手機。