4.7吋Spirit曲背流線

近年曲芒手機冒起，彎彎機身不僅夠Gimmick，仲可提升手感。有見及此，LG最新入門機Spirit都玩彎，不過就唔係昂貴嘅曲芒，改而玩流線曲背，配以四核心處理器、Android 5.0系統等功能，定價$1,398相當抵玩。

售價：$1,398<br>Spirit備有Rear Key背鍵，熄芒待機時長按「音量－」可啟動相機功能。

售價：$1,398
Spirit備有Rear Key背鍵，熄芒待機時長按「音量－」可啟動相機功能。

加入背鍵設計

Spirit雖然只屬入門機，但設計極具心思，彎曲機背備有廠方近年力谷嘅Rear Key背鍵，以便單手調校音量及當快門鍵使用。新機提供黑、白兩色選擇，當中以黑色較為特別，除了表面帶有光澤，更加入金屬髮絲紋，感覺高貴。另採用4.7吋IPS屏幕，配以1,280×720解像度，清晰度及可視角度唔差。

移植旗艦功能

其他硬件方面，新機內置1.3GHz四核心處理器、1GB RAM，效能只屬一般，勝在預載Android 5.0系統，操作非常流暢。另支援3G雙卡雙待功能，用家可直接於狀態欄轉換想用的SIM卡，更可於虛擬功能鍵設置一個雙卡轉換鍵。值得一提是新機植入大量旗艦機的功能，包括Selfie時將手掌握成拳頭即可倒數自拍，熄芒時於頂部輕掃便可顯示資訊的Glance View，相當實用。