太極×Volkswagen e-Golf 最Hit車經

樂壇搖滾班霸太極樂隊即將於5月底在紅館舉行名為「The Mega Hit」30周年演唱會。每次提起太極，第一時間會諗起《紅色跑車》，這首經典金曲由1986年Hit到依家都仲有不少人哼緊：「紅色的跑車像是帶着神秘，零星的街燈充滿樂與悲……」呢啲就係Mega Hit囉！好似新到港的Volkswagen e-Golf電動車，也是近月城中的Mega Hit。

太極 X Volkswagen e-Golf

談車經興致勃勃

要太極人齊聚頭簡直係向難度挑戰，今次全靠Volkswagen e-Golf幫上忙，向來都想為環保出力的太極六子聽到睇車、試車兼做訪問，二話不說就爽快應承。雖然最終鼓手朱翰博（Ricky）未能抽空，其餘五子包括雷有暉（Patrick）、鄧建明（Joey）、劉賢德（Ernest）、唐奕聰（Gary）及盛旦華（Edde），惟有抵諗啲幫佢試埋，真係好兄弟！最近Volkswagen引入了既環保又幫手慳荷包的純電動車e-Golf，單睇個名大家都知以五座位揭背的Golf為藍本，外形討好，車廂空間亦與現行汽油版相若，不會因為預留位置擺放電池而大幅減少，難怪引起了太極成員的興趣。

音樂出色睇車都Pro

太極五子都係愛車之人，見到e-Golf，不禁圍住部車，開開閂閂、上上落落、進進出出，又拿出手機影車玩自拍。Edde和Gary表示：「回想初出道時，後生又要型，個個都係揸日本車，年紀開始大，大家都陸續轉揸歐洲車，無可否認的確鋼水好啲、實淨啲、坐落人都舒服啲。」Joey就話：「Volkswagen Golf賣相不嬲都討好，我之前都有留意，家陣出埋電動版本，又多一個選擇。」Patrick接着說：「車頭部分的藍色飾條，由鬼面罩向兩邊LED頭燈伸延，C字形日間行車燈整合於新設計的頭泵把中，而低風阻的車身配合空氣動力學為依歸的Astana輪圈，令賣相更添動感。」從車廂鑽出來的Ernest答道：「嘩！車上Discover Pro資訊娛樂系統、車廂加熱及冷氣功能和加熱擋風玻璃等原來都是標準配備嚟！」真係估唔到太極玩音樂出色，連睇車都咁Pro！

Gary：「用原廠CCS快速充電系統，使用40kW直流電，只需30分鐘充電八成，既快又方便。」

Gary：「用原廠CCS快速充電系統，使用40kW直流電，只需30分鐘充電八成，既快又方便。」

Edde：「呢部車充滿電可行190km，夠我由西貢來回灣仔幾轉。」

Joey：「後排空間闊落，連身形高挑嘅我，都唔頂頭唔頂腳。」

大讚充電快耗能平

跟車主一樣，他們都認為油費是養車一大開支，無疑轉揸電動車的話，可以慳番唔少。充滿電的e-Golf，續航力達到190km，即使打個7折都有130km。每百公里耗能僅12.7kWh，行駛每公里電費低於$0.14。Ernest即表示：「咁平，假日同家人去遠一點，遊吓車河，諗起都開心。」Joey問道：「行電係平，但係點幫部車叉電呢？叉電要幾耐先？」經了解後，得知e-Golf採用的是24.2kWh鋰離子電池，可使用多種方式Plug-in充電，若是標準充電，使用2.3kW交流電，13小時可完成100%充滿。若用上原廠CCS快速充電系統，使用40kW直流電，只需半小時便可充電80%，又快又方便。Patrick笑指：「若有人研發方便攜帶的車用『尿袋』，咁就仲方便。」

Ernest：「尾箱空間中規中矩，容納1支木結他不成問題。」

Patrick：「電動馬達配上全新單速波箱，馬力及扭力分別有115ps和270Nm，喺香港揸已經夠晒用。」

Patrick：「電動馬達配上全新單速波箱，馬力及扭力分別有115ps和270Nm，喺香港揸已經夠晒用。」

e-Golf的電動馬達打造零排放、零污染及零噪音的行車環境。

Gary火速落訂做車主

e-Golf搭載電動馬達可輸出115ps馬力及270Nm扭力，馬達轉速可提升至12,000rpm，配合全新單速波箱（EQ 270），0~100km/h只需10.4秒，強大扭力隨傳隨到。對此，太極五子不約而同指，在香港揸足夠有凸。不過Patrick及Ernest就擔心電動車的保養及高壓電池保養的問題。這點其實毋須擔心，原廠提供5年或10萬公里保養，同時亦特別針對電動車度身訂造保養計劃，為高壓電池提供8年或16萬公里保用，並為新車主提供「e-Golf Orientation」課程，包括性能特點介紹、使用貼士及維修保養指南等。Edde道：「睇完試完車，覺得部車好正，以前已很想買電動車，一來環保，二來不用入油，充電就可以，加上電動車豁免首次登記稅，不用$37萬的定價，確係令人心動。」Gary則笑言：「仲諗？我啱啱落咗訂做車主啦！」