15米防水TG-860自拍潛力

踏入4月中，氣溫開始回升，周街都見到人着短袖衫，甚至有朋友開始衝浪玩水，係時候買部四防DC記錄陽光與海灘嘅快樂時光。Olympus搶先推出TG-860新機，除了用上180度反芒設計，防水能力仲有15米，喺水中Selfie嘅「潛」力無限。

強勁四防效能

TG-860的四防效能比上代更勝一籌，尤其是防水能力提升至15米深，並提供2.1米防撞、100kgf防壓和-10℃防寒，無論攀山涉水都大派用場，熱愛戶外運動的人士絕不能錯過。而且電池匣和卡槽備有雙重上鎖設計，配合內裏的軟膠，有效避免水氣和沙石入侵。另一賣點是配備21mm超廣角的5倍變焦鏡頭，方便拍攝遼闊的水中環境，輔以1cm超微距拍攝和LED微距燈，近拍美麗的珊瑚易如反掌。

加建前置快門鍵

其實廠方於上代TG-850已加入180度反芒設計，由於不少用家讚好，故新機承襲3吋46萬像素反芒。為了使自拍更就手，特別於手柄下方增設前置快門鍵，它跟機背拍片鍵同樣具備自訂功能，讓用家按需要設定為影相、拍片、超微距拍攝等應用，操作彈性更大；加上機旁設有腳架孔，垂直安裝於腳架玩自拍都冇問題。新機還提供自拍、完美人像等針對Selfie的模式，輕輕鬆鬆就影到自拍靚相。

用上3吋180度上翻式屏幕，配合水中拍攝場景模式，在水中自拍冇難度。

電池約可拍攝300張相片和90分鐘影片，續航力不俗。

機旁設有腳架孔，可將相機垂直安裝到腳架上。

Wi-Fi分享靚相

為了捕捉高速移動的主體，新機增設SPORT模式，內裏提供60fps全高清影片、120fps慢動作影片、運動高速連拍等功能，想影游來游去的魚仔話咁易。另外，唔少用家抱怨上代冇Wi-Fi功能，影完相冇得即刻分享，廠方今次順應民意，於新機植入GPS和Wi-Fi功能，透過Wi-Fi便能配對手機，再經《OLYMPUS Image Share》App作遙控拍攝、加建濾鏡特效等，最重要是可分享影像第一時間博Like。