相識朋友A已有10多年，從來他酷愛AV女優，名字無一不曉且琅琅上口，可惜行年30有8還未有女朋友，家中父母不斷催促，但唯獨緣分未到卻是事實。話說A君經朋友介紹下，打算參加坊間所搞的Speed Dating，席中的他以執到金的超抵語氣跟我們道：「會費每個月$3,000任食呀！」
此話一出迅即引起嘩然，當然是在場的一眾男士連忙高呼起哄：「咁抵？任食喎！嘩！」「三千任食？每日一舊水，好過去砵蘭街喎！」「係咪全扒宴先？包唔包酒店？」「任食啲乜嘢質素先？有圖有真相喎！」一個「食」字，出於經常三級的A君口中必然多了一份黃色風情。與此同時，我們女方幾位也不遑多讓，我率先尖叫：「任食乜先？如果只係食飯都唔差喎，我日日去開餐，圍起上嚟每晚都係100蚊，算係咁啦！」頓時間，你一言我一語，熱鬧過花市。在座4位男士即刻相約，叫朋友幫手問問如果4人同行，可否有特別折扣優惠？
擾嚷一輪，氣氛開始緩和，給我們轟炸了一輪的朋友A終於按捺不住娓娓道來：「是$3,000任識呀！」
聽罷，不出半秒鐘後難得全場齊心團結一致，異口同聲一個字「X」作結。
網址：www.facebook.com/maylampage/