EOS M3極速對焦大「屏」反

全新Hybrid CMOS AF III對焦系統

EOS M系列無反嘅對焦速度一向為人詬病，今次M3改用全新Hybrid CMOS AF III對焦系統，廠方強調對焦速度比起第一代足足快6.1倍，小記實試後覺得操控極之爽手，至少追焦連拍唔會諗咁耐，Snapshot夠用有餘。新機的畫質和處理速度亦有所強化，事關用上2,420萬像素感光元件和DIGIC 6影像處理器，令感光度不僅擴展至ISO 25,600，而且提供每秒4.2張連拍速度，輕鬆捕捉主體動作。

3吋180度反芒設計

備有黑色和白色機身的M3，外觀變化亦相當大，最顯著的地方是加入3吋104萬像素反芒，既可180度向上翻，亦能夠45度向下翻，方便大家高抄低拍，甚至Selfie都冇問題，而且屏幕支援觸控功能，可透過篤芒對焦影相及調校設定。除了屏幕大幅改良，單手持機的手感都好咗，皆因它植入凸出式手柄，並採用仿皮設計，舉機影相都唔會咁易意外甩手。

背面的按鍵編排並不複雜，提供操作轉盤，調校參數一步到位。	用上APS-C尺寸的2,420萬像素CMOS。	機頂具備曝光補償轉盤及模式轉盤，設計跟上代截然不同。

支援NFC配對手機

新機的變化又點止咁少，機頂除了有Hotshoe插座畀你加建EVF觀景器和外置閃光燈之外，仲引入彈出式閃光燈，在昏暗環境影相大派用場。頂部亦備有模式轉盤，提供P/A/S/M及場景模式等，還加入創意輔助模式，用家可根據圖示調校景深、對比度、曝光等設定。新機不但繼承了上代Wi-Fi功能，更在機底引入大熱的NFC技術，用手機一拍就配對到，再利用《Canon Camera Connect》手機App，便能夠遙控拍攝和傳送影像。

植入彈出式閃光燈，在光源不足的環境下可用來補光。	備有黑色和白色機身供選擇，男女都啱用。	機頂設有Hotshoe，既可加建外置閃光燈，亦能額外配置EVF-DC1電子觀景器。 售價：$2,330
屏幕支援觸控功能，調校設定輕觸搞掂，更可篤芒拍攝。	提供創意輔助模式，讓用家輕鬆調校景深、對比度、曝光等設定。	內置DIGIC 6影像處理器，令感光度可達ISO 25,600。

規格表

感光元件：2,420萬像素CMOS

轉換系數：1.6倍

屏幕：3吋104萬像素

感光度：ISO 100~25,600

快門：1/4,000~30秒

體積：110.9×68×44.4mm

重量：319g

查詢電話：3191 2333

撰文：黎子豪

攝影：胡振文