紅米手機2 平玩4G雙卡

好多人鍾意買部平價雙卡機作後備手機使用，貪佢外遊唔使換卡之餘，千元有找跌咗都唔肉痛。日前紅米手機2正式在港推出，定價$899，最啱復活節去旅行當作「士啤機」！

拍攝功能齊備

紅米手機2屬小米第2部港版4G機，一如以往走平價路線，機身用料亦以塑膠為主，雖然霧面塗層頗為跣手，但4.7吋屏幕的它卻出奇地好手感，加上133g輕磅設計，帶住周圍行都唔覺累贅。美中不足是屏幕解像度只有720p，睇相播片未夠細緻。去得旅行難免影相留念，這方面它搭配200萬像素前置鏡頭及800萬像素後置鏡頭，支援全景、聲控快門、HDR、美顏及夜景防震等模式。叫得做雙卡機自然可插入兩張SIM卡，今次兩張都對應4G網絡，使用時唔使驚其中一張SIM卡降速。

特別一提，每位購買新機的用家，皆可獲贈10GB小米雲儲存空間，影相時可做埋備份，多重保障。