ZS50三式攝花展迎「蘭」而上

香港花卉展覽今天正式揭幕，每逢這個年度盛事，都會吸引影友入場拍攝初春花潮，其實除了單反腳架重裝出擊，坊間Sell輕薄的長炮DC，都足以讓新手捕捉到美麗的花海。今次請來花攝達人Lo Ting講解三式攝影技巧，輔以Panasonic新款長炮機仔LUMIX ZS50示範，事不宜遲，一於去維園一展身手！

ZS50 售價：$3,490（a）

第一式：深色背景襯托主體

每年花展都有主題花卉，今屆的主角是跳舞蘭，究竟點先影得靚呢？Lo Ting表示：「由於跳舞蘭屬於淺色花卉，所以應該揀一些較深色的背景襯托，咁先可以突出主體色彩。而且影花所使用的測光模式最好是『單點測光』，以花卉為測光目標，如果唔係有機會過度曝光而欠缺細節。」以ZS50為例，不僅內置「單點測光」功能，還備有15種濾鏡特效拍攝獨特照片，而且濾鏡可套用於拍片上，讓花卉作品不再單調。

第二式：先賞花找尋目標

花展有咁多花卉，唔少新手拍攝時都會覺得花多眼亂，不知從何入手，Lo Ting指出：「想喺花展搵到『目標』，應該從賞花開始，睇啱咗先慢慢構圖，唔好見乜就影乜，大家可以從一支花、一組花去突出主體，甚至影夾雜多種顏色的花海。」ZS50配備24mm廣角的30倍變焦鏡頭，方便拍攝遼闊的花海，最重要是支援微距功能，能以長焦距特寫花卉，加上相機內置Hybrid O.I.S.+防手震，透過五軸防震抵消搖晃，唔用腳架都冇問題。

配備24mm廣角的30倍變焦鏡頭，無論大環境或特寫都啱用。

內置多種測光模式，影花展時使用單點測光的曝光較為準確。

機背具有0.2吋116萬像素電子觀景器，即使在烈日下都可取景。

第三式：花卉構圖勿放中間

點解大家都係影同一種朵花，總係唔夠人靚？Lo Ting認為大多是出於構圖問題。「如要特寫花卉，千祈唔好將佢放喺中間，咁樣就冇晒空間感，構圖時不妨將花卉安排喺一側或一角。此外，以往不少影友為了令花卉顯得嬌嫩，都會用噴壺自行噴花，我唔建議咁做，事關水珠在陽光下有機會曬燶花卉。」ZS50內置構圖引導功能，提供三分法偏移、對角線等多種構圖法，利用畫面線條教導用家取景，就算新手都影到大師級作品。