極限飛盤Ultimate LuLu片贏男仔

校園玩意變World Game

極限飛盤Ultimate亦稱作飛盤爭奪戰，玩法類似Rugby，雙方於場區內爭奪飛盤控制權，只要隊友於對方得分區內成功接盤便可得分，簡單來說即「達陣」成功。但Ultimate箇中賽例較為斯文，傳接飛盤時不能跟對方有身體接觸，一旦接到飛盤後不可走步，更需於10秒內傳給隊友。香港飛盤代表隊隊長Michael表示：「1967年美國新澤西州高中生Joel Silver，參加夏令營學識Ultimate後於學校推廣，由最初學生之間的聯誼玩意，演變成學界競賽，直到1975年於美國西岸流行起來，並拓展至加拿大。」現今Ultimate已成為World Game項目之一，由世界飛盤聯盟（World Flying Disc Federation）每隔4年舉辦世界盃。

穿針引線成致勝關鍵

極限飛盤可以男女一齊玩，連女神LuLu都話：「識玩梗係玩Ultimate啦！」她將於5月遠赴澳洲昆士蘭作旅遊推廣，知道當地流行Ultimate，於是喺香港試番兩手。由於男女體能有別，論蠻力女生未必及得上男生，但LuLu就唔係咁諗：「女仔走位靈活迅速，較易擺脫防守，而且不少女隊友投擲嘅角度刁鑽，短傳打快攻有優勢。」難怪隊伍中通常以女將作傳接橋樑，為進攻穿針引線。此外，LuLu試玩時面對男士進迫也毫無懼色，原來比賽規則是只准一人出迎防守持盤者，而且兩者要有約1米距離，所以無懼「抽水」嘅尷尬場面。

防守戰術常用Stack Drill人盯人，而打End Zone Drill區域防守時需要隊友補位，留意飛盤傳出時慎防被人搶截。	Backhand反手擲法：約於胸前甩出，投點弧度廣，宜打邊線搶攻。	Forehand 正手擲法：將飛盤從肩側擲出，由於出手快，適合作短傳。

玩後感：防守講默契

「其實之前上網睇過外國高手玩飛盤，成日飛身接撲以為好難。好在經傳授正確擲盤姿勢後，只要紮好馬步，將飛盤從肩側擲出就好易上手，建議初學者以水平擲出，就自然會飛到目標，好有成功感。」除咗擲盤之外，接盤同樣重要，否則失手令飛盤跌落地，便會被對方轉守為攻，所以先要學好Alligator Catch，好像夾三文治般上、下手同時夾住飛盤，咁就唔怕甩手。LuLu落場比賽後表示：「起初自己好似傻婆咁一味追住飛盤，跑到成身大汗，而且接盤機會又唔多，賽後聽隊友講，原來我喺區域防守時有份擋咗幾次男仔進攻！」其實防守戰術主要分Stack Drill人盯人及End Zone Drill區域防守兩種，講求隊友之間的默契。LuLu仲話擲飛盤屬帶氧運動，出番身汗比做Gym更易修身呢！

Scoober倒盤庫斯柏式：將飛盤握法顛倒並交叉過肩往前方擲出。	玩家有Say Elvera（盤齡6個月） 「去年跟朋友參加沙灘比賽開始接觸這運動，女生在比賽中經常起了串連作用。」	Florence（盤齡1年） 「Ultimate最大好處是玩法簡單兼花費便宜，這運動更可培養團隊合作精神。」

基本擲盤四式

Michael指出，Ultimate易學難精，並非單純鬥快鬥準，更重要是學懂擲盤手法，配合隊友好好運用空間來拉開對手。「投擲技巧主要分為4類，如Forehand正手擲法靠兩隻手指承托盤底，快速將飛盤從肩側擲出，較適合隊友之間短傳；Backhand反手擲法將飛盤從胸前擲出，投點弧度廣，適合用來開球打邊線搶攻；而倒盤姿勢將握法顛倒，如在過頭頂擲出便是Hammer槌式，過肩往前擲出便是Scoober庫斯柏式，為突破防守時的緊急手段。」

接盤是得分關鍵，學懂Alligator Catch三文治夾法，可將飛盤牢牢接實。	比賽中時刻會遇上接撲飛盤的情境，LuLu彈跳力不錯一下接實。	Michael示範Air Bounce空氣反彈擲法，飛盤會先下沉再上揚，多用來欺騙對手。

撰文：廖俊斌

攝影：謝孝祥