美國實試Apple Watch！爽快如iPhone

支援iPhone 5以上手機

上年9月首度現身的Apple Watch，小記以為今次喺美國Spring Forward發布會將披露更多資料，但結果只係自家在台上示範應用程式，以《Uber》叫車、《WeChat》傳送訊息及《Shazam》播歌。想為Apple Watch安裝Apps，一定要使用iOS 8.2系統的iPhone方可配對，而硬件需求未算太嚴苛，只要iPhone 5或以上就用到，不過現場試玩時《Apple Watch》應用程式的App Store仍未能運作。此外，好多用家都關心Apple Watch嘅電力夠唔夠捱足一天，好在廠方正式公布可用到18小時，現場工作人員仲示範透過好型嘅磁力充電器，貼在錶殼背部充電，1.5小時便可充回80%電量，最快2.5小時可完全充滿！

操作順暢互傳訊息

今次廠方在發布會場地Yerba Buena Center外搭建大型體驗區，當發布會完結後，傳媒都第一時間衝到體驗區試玩。現場雖然展出了廿多隻Apple Watch，部分更是身價不菲的18K金Edition版，但仍要大排長龍先有得戴上手摸吓真身，可知Apple Watch有幾大吸引力。其實際操作都幾似iPhone，只要長按錶面即可透過掃頁方式揀選時間顯示畫面，另外能利用數碼錶冠（Digital Crown）捲軸畫面及放大縮小圖案，機側的功能鍵則可進入Home畫面及各個應用程式，操作非常順暢。而現場最多人試的是以兩隻Apple Watch撥打和接聽電話，以及互動手繪圖案，只需兩、三秒時間即可傳送到對方手上，速度相當快。

售價： $2,728起（Apple Watch Sport / 鋁金屬錶殼）$4,288起（Apple Watch / 不銹鋼錶殼）$78,800起（Apple Watch Edition / 18K金錶殼）推出日期：4月24日（預售日期：4月10日）	18K金Edition版由錶殼到錶帶扣都以18K金製造，只限於特定地點發售。	現場最受歡迎的玩法是在兩隻Apple Watch之間互相傳送圖案訊息。
可直接跟手錶內的Siri對話交流，包括查閱天氣等。	今次Spring Forward發布會在Yerba Buena Center舉行。	Apple Watch設有多款錶帶選擇，佩戴時都很舒服。

42mm錶面更抵玩

今次Apple Watch款式選擇眾多，除了定價由$78,800至$129,800的18K金Edition版外，平價鋁製Sport版及標準不銹鋼版定價都算合理，分別提供10款及20款配搭不同錶面及錶帶的型號，當中分為38mm及42mm錶面大小。當然較大錶面需配備較大屏幕，成本及定價會較高，不過只係相差三百多至四百元，點計都係42mm錶面抵玩，有心買嘅人士記得喺4月10日預訂呀！

Apple在會場外架設大型體驗區，傳媒都爭住試玩新錶。	鋁殼Sport版是最低價的款式，定價由$2,728起，錶殼以鋁金屬製造。	底板面積大幅減小，令機身有更多空間裝上電池，操作時間可達10小時。

同場加映：12吋新MacBook靚芒有話題

同場還公布了新MacBook，無論尺寸跟重量都比現時11吋MacBook Air更細更輕，但配上12吋Retina Display，並擁有金、銀、太空灰三色機身選擇，以及具備最長10小時操作時間，難怪當台上一公布新機消息後，很多人都話「買硬」！小記即場試用新設計的鍵盤及觸控板，按鍵雖然較為扁平，但回彈力充足，加上每顆按鍵都有獨立LED燈，在昏暗環境下都能從容使用。至於新觸控板加入壓力感應，支援Force Touch操作，輕觸再加壓可開啟地圖、上網搜尋關鍵詞相關資料等。不過要將機身造得輕薄，點都要有啲犧牲，如處理器是較低效能的Intel Core M，並只提供一組新設計的USB-C介面，由接上充電器到插入HDMI、VGA輸出等都要靠佢另駁轉換器，唔係太方便。

比較可惜的是新MacBook機背用上iPad式設計取代發光Logo。

12吋新MacBook配備Retina Display靚芒，重量只有920g。 售價：$9,988起 推出日期：4月10日

網址：www.apple.com/hk/watch/

鳴謝：Apple

特派記者：布偉倫