玲玲姐教路搵車公轉靚運

初三赤口，相嗌唔好口，一於搵玲玲師傅打救，帶大家去車公廟祈福開運！唔講好多人都唔知，原來香港嘅車公廟有2間，除咗「香燭粗過大髀」嘅沙田車公廟，仲有元祖級嘅蠔涌車公廟，一次過搵晒2位車公行個開年大運，羊年想唔吐氣揚眉都唔得啦！

車公個孫已經夠巴閉

沙田車公廟到底點嚟呢？話說瀝源曾經在清朝期間發生疫症，村民得知車公所到之處，都能消除疫症，於是向西貢原裝的車公廟求助，蠔涌父老最後只肯借出車公個孫嘅神主牌，結果虎爺無犬孫，神主牌一到，瘟疫即於3日內消失，村民當然要立廟供奉啦！時至今日，沙田車公廟已經同黃大仙祠、上環文武廟及佛堂門天后古廟並列香港4大廟宇，經過翻新重建之後，面積更超過9,000平方米，正殿入面嘅車公像高27米，氣勢比作為阿爺嘅蠔涌車公古廟有過之而無不及，善信人數亦節節上升，惟廟內加添了蝙蝠金錢之類被視為俗氣的浮雕裝飾，跟廟宇清靜地嘅形象稍有出入，而過度系統化嘅參拜安排，亦略為偏向商業化。

沙田車公廟　

地址︰大圍車公廟道　

開放時間︰7:00am~6:00pm

網址︰www.ctc.org.hk　

交通︰港鐵大圍站徒步約10分鐘

沙田車公廟現歸華人廟宇委員會管理，連解籤攤位都收歸其下，每籤收費HK$15。	廟內香火鼎盛，即使經常煙霧瀰漫，不少善信依然堅持參拜。	沙田這間車公廟原本只是供奉車公孫兒神主牌的廟宇，經翻新重建，主殿的車公像高達27米。
玲玲師傅教路，點香後先順時針方向參拜四角，然後再到大香爐上香。	2間車公廟都有車公衣套裝出售，方便善信參拜。	擊鼓原意是向車公「報到」，但沙田車公廟的天鼓卻放於風車旁，善信要參拜完成才有機會擊鼓。

原裝車公在蠔涌

相傳車公原為南宋末年嘅一名勇將，因平定江南之亂有功，被封為車大元帥，後來蒙古軍犯境，宋帝昺南下至香港避難，車大元帥護其左右，最後於西貢病逝，鄉民為紀念他，便決定立廟供奉，成為蠔涌車公古廟，如今已是一級歷史建築，面積唔算大，但有種古色古香嘅氣息，夠晒出塵。古廟建於400幾年前，至今依然以原始面目示人，由磚牆、門樑等結構，到牌匾、木轎等裝飾，全部都達文物級數，車公衣等香燭以自助形式發售，籤筒、聖杯亦放於殿內任由善信取用，講個信字。

蠔涌車公古廟

地址︰西貢蠔涌路

開放時間︰8:00am~5:30pm

交通︰港鐵彩虹站乘西貢小巴，於蠔涌站下車徒步約3分鐘

沙田車公廟設有Counter代善信點香。	每位善信只可帶一炷清香進入沙田車公廟，其餘可供奉於大香爐或交職員處理。	因環保理由，沙田車公廟不設化寶爐，善信只可將車公衣放於聚寶車。
蠔涌車公古廟亦有兩個銅製風車，廟祝溫先生表示，只需轉動任何一個即可。	廟內陳設依足規矩，天鼓就放在正門旁邊，上面還掛了銅鐘，可做到真正的鐘鼓齊鳴。	蠔涌車公古廟建於400多年前，一磚一瓦都達到文物級數。

參拜Step by Step

正所謂「入屋叫人，入廟拜神」，向長輩拜年都要分長幼次序，嚟車公廟拜神又點會無參拜程序呢？唔想入到廟先盲舂舂四圍望，熟讀以下步驟，自然可以順利祈福，羊年無往而不利！

Step 1︰預備車公衣

唔少善信都鍾意自備香燭，但若然屋企附近無香燭舖，亦毋須太過苦惱，皆因2間車公廟都有擺賣車公衣等參拜用品，價錢豐儉由人，部分更已包裝成祈福套裝，啱晒貴人事忙嘅香港人。

Step 2︰擊鼓Check-in

雖然車公法力無邊，但年中咁多人拜候，一時走漏眼都唔出奇。所以，入廟參拜之前，最好先敲響天鼓，同車公Check-in，等佢細心聆聽你嘅祈求。

Step 3︰點香

報到完，就可以點香參拜啦。留意番，沙田車公廟係大香爐兩邊設有Counter，只需將車公衣交予職員，就有專人代勞點香。

Step 4︰上香獻祭品

人流較少嘅日子，祭品可以放入正殿，但今日人多擠迫，有咩想獻畀車公，就要趁上香時一次搞掂。無論你買嘅係咩香燭，沙田車公廟規定，每位善信只准帶一炷清香入殿，其餘嘅請自行供奉於殿外香爐，或者交畀職員處理；至於蠔涌車公廟，由於屬一級歷史建築，殿內嚴禁生火，所有香燭都要留在廟門外，大家要留意啦。

Step 5︰行運風車排隊轉

入得車公廟拜神，當要唔少得轉吓行運風車啦！記住男左女右，男士用左手，女士用右手，順時針方向轉一下，羊年好運滾滾來。

Step 6︰禮成化寶

由入廟拎到依家嘅車公衣，終於可以放低啦。蠔涌車公廟的化寶塔爐就在廟門旁邊，相反，沙田車公廟因環保理由不設化寶爐，善信只需將車公衣放入聚寶車，自有職員代為處埋。

車公衣等香燭以自助形式發售，善信只需將相應金額投入紅色鐵箱即可。	沒有超巨型的車公像，殿內供奉的，是穿着武將官服的元祖車公。	想籤文靈驗，就要問得精準，切忌貪心。
師傅建議，風車都係順時針轉好。	蠔涌車公古廟的籤筒、聖杯跟簽文，全部放於殿內任善信使用。	金屬片製的開光許願風車每月收HK$268，掛於廟內讓車公日日加持。