赤口煲Apps一「板」萬利

《多啦A夢道具大暴走》青春常駐

「叮噹可否不要老，伴我長高。」今日雖已變成多啦A夢，但百寶袋依舊陪伴我們成長。新推出的《多啦A夢道具大暴走》遊戲App，以奪回被外星人搶走的道具為題材。玩法是要在限時內將同色同形狀嘅人物或噹噹連成一線作出Combo，跟人氣遊戲《Disney Tsum Tsum》差唔多，遊戲還有語音提示，絕對值得加分。

趣味性：4分（以5分為滿分）

耐玩性：3分

售價：免費

Zero@Games Effect

《白貓Project》

《Fat Princess: Piece of Cake》家肥屋潤

《Fat Princess》（胖公主）之前在PS平台吸納咗好多粉絲，今次轉到流動裝置推出《Fat Princess: Piece of Cake》，雖然玩法混合了寶石方塊加RPG元素，但有趣嘅係玩家可利用兵仔作近距離、遠距離或以炮彈攻擊外，儲到足夠蛋糕數目，更可召喚藏於戰鬥團隊背後嘅胖公主，她會跳出來壓扁對手，非常搞笑。

趣味性：4分

耐玩性：4分

售價：免費

Kali	《Kingdom Age》

《爐石戰記》運籌帷幄

卡牌遊戲一玩就停唔到手，以《魔獸英雄傳》角色為主軸的《爐石戰記》就是一例，推出以來大受歡迎，利用唔同卡牌組合擊倒對手。最近遊戲加入首個資料片《哥哥打地地》，可應用到大量古靈精怪嘅機械手下卡片，提升遊戲趣味及戰術變化，就算要畀少少錢先買到資料片新卡，新正頭都冇乜所謂啦！

趣味性：4分

耐玩性：5分

售價：免費

《SimCity BuildIt》國泰民安

唔想坐定定喺電腦前玩《SimCity 5》？《SimCity BuildIt》遊戲App亦可讓大家過吓市長癮，建設心目中的理想城市。操控方面非常簡單，由興建高樓大廈到生產零件等，都可輕易以Drag & Drop選取。雖然唔「課金」的話，開啟各項要素的時間都比較長，但羅馬非一天建成，整個羊年慢慢玩都掂！

趣味性：4分

耐玩性：5分

售價：免費

《紀念碑谷》出入平安

好多手機遊戲都以創意行先，正如《紀念碑谷》玩「錯視」接駁橋樑，讓公主安全到達地圖上的終點，玩法別樹一幟。它除了獲得2014年Apple設計獎項外，更賣出超過200萬套之多！最新改版「被遺忘的海岸」加入好多新奇有趣元素，如可將柱子扭曲90度，讓公主到達看似不可能去到的地方。

趣味性：5分

耐玩性：4分

售價：$28

《爆走四驅》路路亨通

近期興玩迷你四驅車，連帶遊戲開發商推出《爆走四驅》。遊戲用上3D Unity技術製作，搭配先進的「即時物理運算引擎」，能模擬出鬥車時的激烈情況。當然App內提供幾百款零件等玩家自由改裝四驅車，仲可同其他玩家爭奪「WGP世界杯」。

趣味性：4分

耐玩性：3分

售價：免費

《Shadowmatic》形影不離

大家小時候都可能玩過「影子遊戲」，用手扮出兔仔、蛇等不同形狀，同樣以創意設計的《Shadowmatic》玩法亦差唔多。用家只要將光源前看似雜亂的物件翻轉、轉換角度，從而投射出一個關卡要求的影子。不過難處是關卡沒有提示答案，要靠畫面下方的相似度慢慢調校！

趣味性：5分

耐玩性：3分

售價：$23

打機達人 新年玩乜Apps？

Zero@Games Effect推介：「日系ARPG遊戲《白貓Project》嘅角色同玩法過癮，用單手便可操作。最特別係遊戲可開設Game Room，然後上網邀請朋友入來玩，好有Online Game嘅風味。」

《白貓Project》

售價：免費

Kali推介：「《Kingdom Age》要喺中世紀興建自己嘅王國，統領軍隊同屠龍，故事設定較唔少策略遊戲吸引。另可連結網友一齊玩，可以識到唔少外國朋友。」

《Kingdom Age》

售價：免費

撰文：布偉倫

攝影：胡振文

模特兒：Jean Ng