驚喜Cow Cow 葱油餅夾牛尾

自問是「牛魔王」，無牛不歡，可惜食量不大，每次鋸扒都是吃剩一大半，浪費得很，新店Crafty Cow就善用不同部位，炮製成鐵板燒和牛、燒牛骨髓、炸牛波子等，分量的骰精緻，菜式更糅合不同Style，傳統西式燉牛尾夾中式葱油餅，驚喜不斷，絕對令牛迷大快朵頤。

Oxtail Chili $138<br>燉牛尾加入了墨西哥元素，用上大量紅腰豆、雞嘴豆、粟米等燴煮，肉質柔軟，一咬即化，伴以自家製葱油餅，口感似足曲奇餅，鬆化富葱香。

Oxtail Chili $138
燉牛尾加入了墨西哥元素，用上大量紅腰豆、雞嘴豆、粟米等燴煮，肉質柔軟，一咬即化，伴以自家製葱油餅，口感似足曲奇餅，鬆化富葱香。

糅合中西元素

餐飲業勢力已慢慢滲入Poho區（即普慶坊至太平山街一帶），最新一員是由Tomi、Basil和Jason開辦的Crafty Cow，聽名字就知道賣點是手工啤酒同牛肉。三人曾在海外生活，嘗過各種風格的美食，誘發出全新飲食概念「Third Culture Dining」，將不同的Style混合，演變出無限美味，例如煎餃子的餡料不一定是豬肉白菜，取而代之是鵝肝、油封鴨肉和椰菜，蘸上微辣的辣椒柚子汁，減膩提鮮。燴牛尾也不一定配蒜蓉包咁Dry，配中式餅食也可擦出火花，自製葱油餅烤得金黃香脆，配軟腍不羶的牛尾，味道口感出奇地夾。

獨特和牛滋味

和牛是新店主打之一，精挑近江、鹿兒島和澳洲A3至A5級的和牛，更用盡牛的多個部分，包括Ribeye、Hanger Steak（橫隔膜）、Flat Iron、Striploin等來炮製美食。牛肉薄切搭配天然手工鹽就最能嘗到肉質的鮮味，而手工鹽款式不少，如呈紫色、晶瑩剔透的紅酒鹽，是從法國Merlot葡萄提煉出來，鹹中帶酸。其他款式包括沖繩深海鹽、珊瑚鹽、竹炭鹽，以少許鹽花即能為和牛添上「生氣」，亦可鎖緊肉汁。不灑鹽也可以蘸點自家秘醬，口味獨特創新，如麵豉辣根醬、柚子薑汁、Wasabi沙巴翁等，配搭多多唔怕悶。

Numbing Bone Marrow $108<br>濃郁的牛骨髓伴以花椒、牛油、小茴香、炸蒜等一同焗製，牛香盡現，味道適中。

Numbing Bone Marrow $108
濃郁的牛骨髓伴以花椒、牛油、小茴香、炸蒜等一同焗製，牛香盡現，味道適中。

Rocky Mountian Oysters $138<br>選用法國的牛波子（牛睾丸），以麵包糠裹着外層，炸至金黃香脆，質地像生蠔般滑嘟嘟，配上墨西哥Chimichurri醬，即時清新晒。

Rocky Mountian Oysters $138
選用法國的牛波子（牛睾丸），以麵包糠裹着外層，炸至金黃香脆，質地像生蠔般滑嘟嘟，配上墨西哥Chimichurri醬，即時清新晒。

自選包點食材

餐牌亦有供應台式傳統刈包，口感軟綿綿，更可自選餡料、蔬菜和醬汁，打造自己Style的包點滋味！推介以Brothers Toffee Apple Cider醃製的五花腩，香甜拖肥味道與豬腩肉契合，佐以XO醬和酸椰菜，是優質又美味的快餐風味。飲品方面，餐廳從各地搜羅多款手工啤酒，味道新鮮，愛重口味的可點選富濃濃煙熏味的The Big Smoke黑啤，入門者可選含榛子香的Rogue Hazelnut Brown Nectar，又或是附上3D眼鏡的Tuatara Double Trouble Imperial IPA，玩味得來又別有一番風味。