北京直擊！魅藍note五色迎戰iPhone

呢個聖誕，聖誕老人去咗北京派大禮，它，既有五色機身，又坐擁八核心處理器、5.5吋全高清屏幕、1,300萬像素鏡頭等頂級規格，偏偏只售999人民幣，比起同級手機平足一半有多！呢份禮物，名字一樣咁有魅力，叫Meizu魅藍note，明年2月香港就有得賣啦！

雖然屏幕有成5.5吋，但由於採用窄邊框設計，拎上手都唔算大部。<br>售價︰ 999人民幣（16GB） 1,199人民幣（32GB）

雖然屏幕有成5.5吋，但由於採用窄邊框設計，拎上手都唔算大部。
售價︰ 999人民幣（16GB） 1,199人民幣（32GB）

平價系列頭炮

踏入2014年尾，內地手機廠Meizu（魅族）變得積極，新機一浪接一浪，先有MX4，後有MX4 Pro，估不到事隔一個月，其CEO白永祥又在北京發表全新子品牌、針對平價市場的魅藍（No Blue，取諧音「沒藍」）。作為頭炮，魅藍note大玩「色誘」，甫推出便有粉紅、藍、白、綠、黃5色選擇，廠方更指出用上跟iPhone 5c相同的聚碳酸酯塑膠機身工藝，貼手得來握感非常好；美中不足是機身正背面皆容易沾上指模，使用時要勤加抹拭了。

豐富美顏功能

型號有個note字，新機自然玩大屏幕，尺寸達5.5吋，並支援1,920×1,080解像度、403ppi像素密度、1,000:1對比度及450nit亮度，小記現場「聞相」，發覺畫質細緻銳利，而且顏色自然，比同級對手靚得多。有個靚芒，影相都要掂才能發揮所長，新機特別加配1,300萬像素鏡頭及雙色溫閃光燈，可拍出120fps慢動作及1,080p全高清影片。針對Selfie需要，此機還配備美瞳、瘦臉、磨皮及美白等實時美顏功能，若嫌未夠靚，事後還可調校膚色、睫毛、眼線及唇色，全部有多級調校，想幾靚有幾靚！

魅藍note的Home掣改為家族式圓形設計，更感美觀。

現場花絮
發布會吸引全國「魅友」入場支持，好不熱鬧。

香港2月上市

新機採MediaTek MT6752 1.7GHz八核心處理器，率先支援64-bit運算，其效能亦表現對辦，在2GB RAM幫助下，《AnTuTu》測試獲得高達40,454分，現場試玩3D遊戲十分流暢。至於售價，要贏對手就要平，所以新機16GB版本以999人民幣起標，32GB版本也不過1,199人民幣，內地即日起接受訂購，12月30日上市；惟留意首批為TD-LTE版本，支援FDD-LTE的港版則最快明年2月推出，香港代理指售價唔會差太遠，若所言非虛的話，買回來粗用都抵！