旅人時光：開親車就嬲

「喺日本揸車幾好吖，個個都跟足規矩又好禮讓，完全唔會好似喺香港揸車咁上晒火。」做了10多年日本導遊的朋友C這樣回應，他每天都在日本各地的旅遊車上開工，普遍的路面情況他可謂瞭如指掌。另一在香港有開車的朋友R聽罷，即時加入了這話題討論：「我都喺日本租過兩次車，直情好似唔使用腦咁，一直跟住路牌指示行，想轉左就轉入左線排隊，就算旁邊兩條線冇車都好，冇人會喺旁邊兩線插隊打尖，完全可以放鬆揸車，唔使好似喺香港咁神經緊張。」

「仲有無咁多『呠呠呠』！喺日本鄉下直頭無人『呠』你。香港塞車已經夠煩，你又『呠』，佢又『呠』，簡直係製造緊城市噪音。」我很怕嘈，車龍中被打尖插隊我沒問題，但那些噪音確實讓我好困擾。

我們都是在日本唸書時代的舊同學，各人對日本的認識絕不比我淺，見解獨到又有趣。車廂內各人七嘴八舌，大家都一致贊同在日本開車是件賞心事，沉靜了一輪的朋友T最終出口了：「喺日本揸親車，個個開得鬼死咁正常，個個都好似唔趕時間咁，真係悶到嬲呀！」

網址：www.facebook.com/lamwaimei/