Off road系列 山野「攝」獵
天朗氣清，最啱行山遠足兼影相，隨身當然唔少得攝影器材。Manfrotto針對戶外拍攝推出全新Off road系列，當中包括攝影背囊、三腳架及行山杖，正式進駐山系市場，鍾意行山影相嘅你又點可以錯過。
30L大容量背囊
Off road系列背囊提供紅、藍、綠、灰4色選擇，容量高達30L，上層可供擺放個人物品，下層則能存放一機三鏡。唔想擺相機時，各位甚至可將成個內膽抽走，變成一般行山或旅行背囊使用，夠晒彈性。此外，背囊旁邊和正面都能扣上行山杖或腳架，提取相當方便。最特別是背囊提供多一條胸帶，影完相後可把相機承托於胸前，慳番唔少力。
Fizan合作設計
Manfrotto作為相機配件品牌，今次踩過界推出山系產品，各位可能心諗「得唔得o架？」呢方面大可放心，事關廠方特別與意大利戶外品牌Fizan合作設計。如備有紅、藍、綠3色的行山杖，以輕巧為賣點，用上鋁合金製造，最有趣是手柄加入相機螺絲模，可令行山杖變成一支單腳架，一物二用。另一款三腳架的腳管用上行山杖設計，每節腳管能夠成支拆出，以便清洗內裏沙石，腳管更印有刻度，用作調校合適高度。
撰文：黎子豪
攝影：郭凱敏
查詢電話：2327 6728