ZenWatch新「錶」準 感測脈搏

金屬弧面 硬淨物料

手錶通常會隨身戴住，如果襯到Casual Wear之餘，又可夾埋斯文造型就Fit 晒！ZenWatch採用方形圓角錶殼，配合真皮錶帶，感覺時尚。錶殼仲用上金屬物料，配合1.63吋弧面設計的AMOLED屏幕，令錶身更具流線美感，加上表面的2.5D Gorilla Glass 3玻璃防刮抗磨，並支援防水防塵功能，粗戴都唔怕刮花。此外，ZenWatch的錶帶軸加入快速拆扣設計，輕輕將鎖扣一拉即可拆除錶帶，連工具都唔使用。

連接手機 智能提示

新錶內置Qualcomm Snapdragon 400處理器、512MB RAM及4GB內存，十足智能手機一樣，唔同嘅係預載系統換成Android Wear。用家只要於手機或平板安裝《Android Wear》App，即可與ZenWatch經藍芽配對，顯示時間、天氣、來電、日程提示呢啲簡單功能當然做得到，最正係用家可透過手錶操控手機影相、遙控簡報等。廠方仲為新錶換上ZenUI介面，支援自家「What's Next」及「Do It Later」功能，前者會提示用家日程，後者則會提醒待辦事項，相當貼心。

透過手機《Android Wear》程式即可設定手錶指定功能。

內置指南針等功能，篤芒就用到。

聲控功能 指測心跳

健康係不少用家關注嘅內容，ZenWatch內置9軸運動感應器及生物感應元件，只要配合《ASUS Wellness》App，便可記錄行走步數、卡路里量、活動時間等，仲可測埋心跳率，秘密在於錶框設有感應器，用家只要將手指放於錶身左右邊框即可量度心跳，而且識得將心跳率換算成放鬆程度，提示用家放鬆心情。此外，新錶支援語音控制功能，對住隻錶講「OK Google」即可啟動聲控指令，唔使吓吓篤芒，操作更方便。順帶一提，香港屬ZenWatch首發地區之一，12月8日正式開售，首100名買家可獲贈原價$198嘅錶帶刻字服務，屬送禮自用佳品。

將手指放於錶身左右邊框，即可量度心跳率或放鬆程度。	錶帶軸加入快拆設計，一拉即開，幾時換錶帶都得。	改用2.5D弧面玻璃，配合金屬錶身及真皮錶帶，用家可隨時調整錶帶長度。

規格表

處理器：Qualcomm Snapdragon 400 1.2GHz

ZenWatch需要使用專用底座充電，稍嫌不便。	MeMO Pad 8	即場以鉛筆掃芒都冇問題，加上採用咗Gorilla Glass 3玻璃，唔驚刮花。
支援「OK Google」語音操控，唔使篤芒就操作到。

記憶體：512MB RAM、4GB內存

屏幕：1.63吋AMOLED（320×320解像度）

其他功能：藍芽4.0、IP55防水防塵

作業系統：Android Wear

體積：51×39.9×7.6~9.4mm

重量：75g（連錶帶）

同場加映：MeMO Pad 8 櫻花新色 高清靚芒

同場另有新一代MeMO Pad 8平板，單睇外形已相當吸引，皆因它除了大路嘅白色，仲有金屬藍及櫻花粉兩款新色，女士必Like！新機換上8吋全高清IPS屏幕，顯示清晰細緻，配合位於機背、支援SonicMaster音效嘅雙喇叭，睇片效果不俗。規格方面，新機內置Intel Atom Z3580四核心處理器、2GB RAM及16GB內存，操作流暢。另一特點係屏幕採用敏銳高感應設計，以鉛筆或其他金屬物料篤芒都有反應，操控更靈活。

數字人生：ASUS華碩

9 連續11年獲《Businessweek》選為全球100大科技公司，2008年位列第9。

50 1996年於台灣證劵交易所掛牌，現為台灣50指數成分股票。

1989 1989年成立，為全球最大主機板製造商。

62,000 截至2013年，全球有超過62,000名員工。

撰文：林子聰

攝影：陳世昌

查詢電話：3582 4738