旅人時光：讓人滿足的紫海膽
朋友愛請客，經常帶我們一班朋友到處食好嘢，那次光顧了他最愛的日本料理店，每次他都不理價錢點叫Omakase只求美味，料理店店長一見到這位熟客，便趨前熱烈招呼，然後每道菜式上場都必定作詳細介紹，實行待客之道攞滿分。
吃着吃着，紫海膽驚喜出場，店長又再前來熱情地講解一番。「呢啲海膽係咪濃味啲呢？今晚我出咗紫海膽畀你哋！」店長問，於是朋友答道：「係喎，好味喎，同平時我食開嘅馬糞海膽有乜分別呢？」
店長即時解答：「紫海膽依家當造緊，所以味道濃郁啲，好罕見嘅。」
坐在我對面的朋友面露恍然大悟的表情，而我則望着店長不斷點頭，其實頭頂卻冒出數個問號來。
話說日本海域約共有140個海膽品種，主要是馬糞海膽與紫海膽。簡而言之，馬糞口味較濃厚，只佔總產量約1成；紫海膽口味較甘甜，總產量約8至9成，是主流海膽，5月至6月為產卵期，2月至6月當造。
不過，日本產品種產量不足，在當地品嘗到的，大部分其實是外國入口，包括加拿大、智利、俄羅斯等。
我看着店長講解時的一臉認真態度，以及望着朋友吃着聽着的愜意滿足，原來有時被騙也是件No Big Deal的事。
網址：www.facebook.com/lamwaimei/