1:6星戰雙雄 福伯打頭陣

集齊版權 真樣示人

但凡70後嘅男士，十個有九個都飲《星戰》奶水長大，激光劍、雷射槍加埋3.75吋公仔全部儲落一大堆，偏偏1:6 Figure向來只得Sideshow出品，白兵、黑武士等戴晒頭盔整得尚算神似，但真人角色卻個個恍如「吹氣公仔」，若非死忠粉絲好難買得落手！大約3年前，Sideshow的合作夥伴Hot Toys曾推出Luke Skywalker，其高質素為玩家帶來希望，可惜之後無以為繼。幸好，日前終於收到好消息，事關Hot Toys終於獲得首6集及將來第7集的製作版權，涵蓋1:4及1:6產品，令一眾角色終於可以「真」面目示人。

訂造素體 型佬再現

《星戰》被譽為經典，但當年真正能彈出嘅演員，偏偏只有飾演Han Solo的

VIP會員可獲白兵腰帶及雷射步槍一把，令人揣測廠方係咪想逐件白兵配件推出。

另有一個戴上通訊器的軟膠頭替換，設計細心。

夏里遜福，所以頭炮製作佢最適合不過。為重現這重要角色，廠方找來Kojun及JC. Hong這黃金組合打造頭雕，狹長臉頰、高聳鼻樑、微翹唇角等特徵全部準確拿捏，頭髮更層次有序，像真度爆燈。有鑑於當年福伯身形Fit爆，為此廠方製作出專用素體，還原其寬肩及厚腰，配合剪裁貼身的米白色V領上衣及黑色背心，型到冇朋友！配件方面，雷射手槍、通訊器、耳機及10隻手掌全部有齊，腰帶及槍套更以真皮製作，質感攞滿分。

腰帶及槍套以真皮製作，齋睇相，真嘅一樣。	Han Solo的素體經重新打造，衣物貼身。	Chewbacca全身都係人造毛髮，製作難度甚高。

全身毛髮 極難製作

《星戰》咁受歡迎，其中一個原因係角色豐富，詼諧有R2-D2及C-3PO、兄妹情有Luke同Leia公主，因此既然出得Han Solo，其拍檔Chewbacca自然要出埋一份。戲中他屬Wookiee族人，以往全身毛髮只能以塑膠呈現，今次Hot Toys破天荒以人造毛髮處理，數量、顏色、長短及厚薄全部經準確計算，加上36cm高素體本身已比一般Figure高大，製作難度堪稱數一數二。戲中Chewbacca所用武器不多，其擅長的雷射弩會隨盒跟埋，同時另有彈藥肩孭袋及耳機等，配套都算齊備。

Chewbacca附送雷射弩、彈藥肩孭袋及耳機等配件。	頭雕經過多次修改，好讓毛髮順服自然。	＊圖中所示仍屬產品原型，與最後完成品或有少許分別。

撰文︰陳志滔

查詢電話：3722 3988