PadFone S防摔防雨　Phone騷合體

在台灣《超級星光大道》一鳴驚人的蕭敬騰，雖然表面沉默寡言，但唱功可說是頂呱呱！正如ASUS剛抵港的5吋PadFone S手機，外形低調平凡，但卻擁有Snapdragon 801四核心處理器、2GB內存等頂級配置，機身仲可抵禦150cm摔落及IPX2生活濺水，帶出街倍感安心，難怪蕭敬騰與PadFone S一拍即合，成為佢嘅代言人啦！

ASUS代言人蕭敬騰將來港力撐PadFone S，並與買咗此機嘅粉絲見面，詳情可瀏覽廠方面書網頁。網址：www.facebook.com/asusmobile.hk

5吋全天候機身

PadFone S外形沿用同廠PadFone Infinity的霧面塑膠機身設計，圓渾邊位配以拉絲金屬框，備有黑曜紅及陶瓷白色選擇。雖然新機厚度及重量分別達9.98mm及150g，在5吋智能手機來說未算標青，但卻支援150cm防摔及符合IPX2防濺水標準，在雨天環境下使用都唔怕入水或跣手跌爆芒。而且$2,799嘅親民機價已擁有Snapdragon 801四核心處理器等頂級規格，並支援本地4G LTE頻譜，仲對應埋Qi無線充電功能，性價比極高。

插基座變平板

若嫌用5吋全高清屏幕睇得未夠盡興的話，用家仲可另購擁有1,920×1,200解像度的平板基座PadFone Station，透過Dynamic Display動態切換技術，將手機插入基座背部即可切換成9吋平板，仲識得遷就畫面尺寸自動Resize，加上雙前置喇叭設計及支援Audio Wizard調校音效模式，睇片極盡視聽之娛。而且其直立式插位內藏碳素橡膠，可啜實機身之餘，反覆插拔都唔怕刮花屏幕，插入平板基座後仲額外提供5,000mAh電量，可為手機充電回氣。

配合9吋PadFone Station便可變成平板使用，內置雙前置喇叭及5,000mAh電池。<br>售價：$1,299

配合9吋PadFone Station便可變成平板使用，內置雙前置喇叭及5,000mAh電池。
售價：$1,299

拆開機殼可見microSD卡槽及SIM卡槽，旁邊的金屬接觸點是用作NFC通訊及Qi無線充電。

拆開機殼可見microSD卡槽及SIM卡槽，旁邊的金屬接觸點是用作NFC通訊及Qi無線充電。

PixelMaster強化夜攝

操控方面，PadFone S採用自家ZenUI介面，簡約清新的平面Icons設計，除內建What's Next及Do it Later生活提示外，還附設一系列ZenLink串連工具，如Remote Link可將手機當成電腦用的Touchpad、Party Link能近距離將兩部手機連接分享相片。而機背1,300萬像素大光圈鏡頭還加入PixelMaster感光技術，啟動低光源模式後可自動增強場景亮度4倍，之前蕭敬騰拍嘅「貓頭鷹」廣告，就示範咗毋須閃光燈玩群拍，成像一樣咁Sharp，加上多種趣味濾鏡及4K攝錄功能，用手機影相扮龍友都掂！

前置鏡頭右側有感光Sensor，當用家身處陰暗環境玩Selfie，識得自動推高場景亮度。

前置鏡頭右側有感光Sensor，當用家身處陰暗環境玩Selfie，識得自動推高場景亮度。

黑曜紅色背殼，上方備有1,300萬像素PixelMaster鏡頭及閃光燈。

手機通過IPX2防濺水標準，就算芒面有水珠都唔怕影響操作。

同場加映：S1 Portable Projector流動投影

PadFone S無疑可插入平板基座以大芒睇片，惟各位若嫌9吋芒都唔夠大，不妨考慮S1 Portable Projector便攜式投影機。它利用RGB LED投射技術，可透過MHL接線從手機輸入影像，並投影出最大40吋畫面，支援854×480解像度及200nit流明度，還提供4種場景模式。由於機身內置6,000mAh電池，足夠連續播放3小時，帶出街同朋友齊齊睇片就最啱！