Win 8.1平板鍵美激鬥

Windows平板初推出時，吸引力只屬一般，始終一下子要將電腦用開嘅工具搬落平板，無論軟件和硬件都唔係幾到位。今年就唔同晒，行Win 8.1嘅平板愈出愈靚，效能更趨強勁，Microsoft喺今個禮拜仲將Surface Pro 3帶到香港，各大腦廠當然不敢怠慢，當中以Lenovo MIIX 2 11最有睇頭，同樣可加插鍵盤扮Notebook，一於等機Gor試吓邊部至係Win 8.1平板之霸。
售價：$7,888（淨機身）、$1,048（鍵盤保護蓋）（a）
售價：$7,888（淨機身）、$1,048（鍵盤保護蓋）（a）

Surface Pro 3微軟新貴 平板挑機

機Gor睇得出Microsoft幾有決心做好Surface平板，嚟到第3代嘅Surface Pro 3，仲諗住越級挑戰MacBook Air添！新機採用12吋芒，可配合實體鍵盤保護蓋及機背Kickstand，撐起機身扮Notebook使用，計機Gor話啱晒鍾意用平板工作嘅OL，加個鍵盤保護蓋就可返公司當做筆電。而新機叫價都算合理，如配Core i3處理器加64GB內存嘅入手價只係$6,288，想勁少少可選用今次測試嘅Core i5型號，定價都係八千左右。

規格表

處理器：Intel Core i5-4300U 1.6GHz

記憶體：4GB

內存：128GB

顯示屏：12吋（2,160×1,440解像度）

作業系統：Windows 8.1 Pro

體積：201.42×292.1×9.14mm（淨機身）

重量：800g（淨機身）、約1.09kg（連鍵盤保護蓋）

MIIX 2 11磁力接合 三種玩法

二合一設計的Lenovo MIIX 2 11，跟機附上實體鍵盤底座，既可當成具Touch功能的筆電使用，亦可獨立抽出平板篤芒操控。腦場老友同機Gor講，除咗以上兩種玩法，仲可將平板反方向楔落鍵盤上的磁力坑槽，變成直立顯示模式，做Presentation或睇片時更加方便，但要留意平板跟鍵盤部分只以磁力連接，如果合體後想拎住周圍走就要小心平板跌落嚟。廠方稱其電量可用到8小時，但大家都明白實際使用下會打折，所以其續航力唔算長。

Surface Pro 3於機背配備Kickstand支撐機身。
  • Surface Pro 3於機背配備Kickstand支撐機身。
鍵盤保護蓋以磁力接合，吸力都幾強。
  • 鍵盤保護蓋以磁力接合，吸力都幾強。
售價：$7,998（連鍵盤底座）（b）
  • 售價：$7,998（連鍵盤底座）（b）

規格表

處理器：Intel Core i5-4202Y 1.6GHz

記憶體：8GB

內存：128GB

顯示屏：11.6吋（1,920×1,080解像度）

作業系統：Windows 8.1

體積：190×302×11mm（淨機身）

重量：800g（淨機身）、1.35kg（連鍵盤底座）

第1回合：鬥聲畫表現

好多用家包括機Gor在內，都鍾意用部平板睇戲，兩部機邊款好啲呢？講先天性條件，MIIX 2 11配備16:9全高清屏幕，比Surface Pro 3嘅3:2比例較適合睇戲。雖然後者備有2,160×1,440解像度，但播放同一段Full HD試片時，Surface Pro 3畫面略為偏藍，角色塊面好似唔夠血咁樣，未到Halloween已夠嚇鬼。加上MIIX 2 11於鍵盤底座加入JBL喇叭，強化電影聲效，加咗唔少分數。

加配鍵盤底座下，MIIX 2 11感覺甚似一部手提電腦。
  • 加配鍵盤底座下，MIIX 2 11感覺甚似一部手提電腦。
鍵盤底座內置JBL喇叭，音色出眾。
  • 鍵盤底座內置JBL喇叭，音色出眾。
Win（右）<br>Surface Pro 3（左）色水略嫌偏藍，顯示膚色時明顯睇到分別。而MIIX 2 11（右）畫質較為自然，加上聲效出眾，先贏一仗。
  • Win（右）
    Surface Pro 3（左）色水略嫌偏藍，顯示膚色時明顯睇到分別。而MIIX 2 11（右）畫質較為自然，加上聲效出眾，先贏一仗。

第2回合：鬥鍵盤打字

機Gor好多時需要用部機上吓網、打吓文件，所以鍵盤手感都好重要，尤其是以薄為主嘅平板鍵盤，打「MIIX」變咗「MIX」甩咁個字母就唔好啦！幸好Surface Pro 3同MIIX 2 11嘅鍵盤回彈力都唔錯，機Gor以極速打字時都靈敏舒適；唯一問題係兩機都冇Print Screen按鍵，要擷取圖片時真係有麻煩咗啲。值得一提係Surface Pro 3嘅鍵盤保護蓋唔屬於標準配備，需要另外購買。

Draw<br>Surface Pro 3配合鍵盤保護蓋，手感出奇地唔錯，係Touchpad難用少少。
  • Draw
    Surface Pro 3配合鍵盤保護蓋，手感出奇地唔錯，係Touchpad難用少少。
Draw<br>MIIX 2 11配備實體鍵盤底座，手感跟手提電腦相若，按鍵回彈力十足。
  • Draw
    MIIX 2 11配備實體鍵盤底座，手感跟手提電腦相若，按鍵回彈力十足。
Win<br>Surface Pro 3橫向手持較舒服，並附有256級感壓手寫筆。
  • Win
    Surface Pro 3橫向手持較舒服，並附有256級感壓手寫筆。
鍾偉民（Ray）
  • 鍾偉民（Ray）

第3回合：鬥揸機操控

由於兩款平板均採用Win 8.1系統，無論係格仔輕觸介面或原有Desktop桌面都以橫度操控為主，而MIIX 2 11機身較窄長，重量分布唔係太好，若以單手揸機時明顯係Surface Pro 3較舒服。而且Surface Pro 3跟機附有一支手寫筆，可隔空點選Icons之餘，仲支援到256級壓力感應，畫畫、寫字都冇問題，機Gor試過成隻手枕喺屏幕上都一樣書寫自如。

達人教路：IT專欄作家鍾偉民（Ray）：「手寫筆好用！」

「若大家重視工作多於娛樂，尤其是經常會接觸Word、Excel文件嘅人士，選擇Windows平板會較Android平板或iPad合適。其實Windows平板都有分兩類，二合一設計嘅產品多採用Full Size鍵盤，打字較為方便；至於Surface Pro 3雖然沒有採用手提電腦式鍵盤，但其一大賣點是附有手寫筆，市面配備手寫筆嘅Wacom繪圖板分分鐘要過萬元，相比之下佢其實好抵用。」

機Gor Report：平板連鍵盤 勝在夠輕

兩款Win 8.1平板各擅勝場，實力都幾平均。不過機Gor着眼點會睇重量，要知道平時出街又拎手機又拎相機，Gadgets當然愈輕愈好。若計算平板連鍵盤重量，Surface Pro 3只有1.09kg明顯較輕，加上佢話晒係Microsoft「親生仔」，軟硬件支援方面都唔使擔心。

機Gor

機不離身，不信Spec只信測試，不扮高深，懶理低俗，貪新不忘舊。

撰文：機Gor

查詢電話：（a）3071 3709、（b）800 938 881