到餐廳進餐，最怕在吃到一半時，侍應走過來問：「啲嘢啱唔啱食？」
那當然是餐廳一片好意，命令相關侍應於（他們認為）適當的時機走出來向顧客表達關心，同時展示自己樂於接受意見的開明態度。
但，你問我啱唔啱食，難道……我真的可以兜口兜面說唔啱食嗎？
尤其當那兒又不是會為顧客度身訂造口味的高級餐廳，假如我如實回答「好難食」，餘下來就只剩下雙方尷尬的沉默。或者我哋會點吓頭，問候一下，然後已經唔知講咩好，因為你會發現，你唔會Offer換過一碟畀我，正如我亦唔忍心叫你換過一碟畀我。
本來不是難食得要丟掉，一般人都會選擇不浪費食物而吃下去，所以你走過來問我啱唔啱食，答案只得3個：好好食、幾好食、幾OK。我連「唔難食」，都說不出口，就怕接下來你不知如何度過那漫長的一天。
當老師的不會問學生：我教得好唔好？
當老細的不會問員工：份人工夠唔夠？
當情人的不會問情人：我對你好唔好？
我不撒謊，我就直線抽擊。當我直線抽擊，人類那脆弱心靈又抵擋不住，忙於從傷害中復原過來，又忘記了別人對自己的批評，更遑論改善。
有些事情，過得自己過得人，連自己都過不了，就更加不要奢想過得了別人。
你問別人你做得好不好，不如你先問問自己，你覺得自己做得好嗎？假如你覺得自己做得好，那就夠了，管他的人人口味、角度、意見不同。
網址：www.facebook.com/linrixi