直立板Eco Tour 海上捐山窿

10人包船抵玩

其實這一兩年出現咗好多直立板新玩法，好似划直立板睇紅樹林、夜晚撐螢光直立板等，今年呢個直立板Eco Tour，就有得遊船河吹海風之餘，仲可學埋直立板兼且有機會近距離欣賞西貢地質生態，內容豐富好多！Blue Sky Sport Club提供的「Blue Cruise Eco Tour」可以玩足6個鐘，包船費用為$8,000，當中包括汽水、4塊直立板及教練跟船。一團最多可供10人玩，除開每人只需$800，比學直立板初級班只係貴少少。

挑戰地質公園

行程方面，基本由西貢碼頭出發駛到萬宜水庫東壩都冇問題，船程中可經過橋咀島、滘西洲、糧船灣、吊鐘洲再上埋去破邊洲、浪茄灣，能近距離接觸破邊洲附近的香港地質公園嘅六角柱岩。另一個有趣地方係吊鐘洲嘅海蝕洞，如果有番咁上下技術同體能，可以從附近落水划直立板穿越海蝕洞都得，有得玩又有得睇。

3種玩法一覽 瞓身「撐」！ 最簡單玩法係將直立板當作浮板，成個身俯臥喺直立板上，以雙手當槳控制前進後退及轉向。由於重心貼近海面，玩嘅時候較穩定。

中級 以跪地方式划槳，上板方式跟最初俯臥式相似，上板後才改為跪地姿勢。握槳方法會以一隻手握着槳中心點，另一隻手放喺肩膀較上位置，左右落槳時需要換手。

充氣板更穩定

對於未接觸過直立板嘅人士，就唔好諗得太遠住，建議由淺入深領略直立板嘅好玩之處。其玩法主要分3種：俯臥、跪地及直立，難度以俯臥最淺，直立則較難平衡，但視野最廣闊，睇風景一流！教練Ethan眼見Model係新手，就拎出兩塊唔同設計嘅直立板出來介紹。硬板又叫賽板，速度較快，但平衡較難掌握；另一塊充氣板較闊較穩定，初學者最啱玩，而且玩完後可放氣捲起，大概只有一個露營背囊大小，易於收藏，放喺車尾箱或寄艙帶去外國玩都得，售價大概$13,000，唔算太貴。

高級 可將槳放於直立板的中心點作支撐企穩。握槳方式同跪地式有啲唔同，一隻手要放在槳的頂端，一隻手握着槳的中間，向左或向右落槳時都要轉手，通常會左划兩下然後右划兩下。	睇完靚靚生態環境後，可以喺船上吹吓海風。	充氣板的好處是可以放氣捲起收藏，玩時只需用氣泵泵脹即可。
正式落水前當然要先聽吓教練Ethan指導。

玩法由淺入深

俯臥式上板較為容易，Model即刻學會，仲用手撥水划到好遠。而試玩跪地姿勢時就開始有啲難度，皆因重心較高且需利用槳前進及轉向，Ethan話現時所用的槳都採用伸縮式設計，長度可自由調校，最佳長度大概係自己身高多一隻手位，划水時可整塊槳面落水，較為慳力。跪地式握槳法會將其中一隻手放於中心點，另一隻手則放喺肩膀較上位置，向左及向右划槳時需轉手。至於直立划板的握槳方式，會改為一隻手放喺槳頂。若覺得企喺板上難以平衡，可嘗試將槳放喺板上中心點作支撐，只要練習得宜，挑戰六角柱岩同海蝕洞自然冇難度！

Blue Cruise Eco Tour

時間：6小時

包括：租船、汽水、4塊直立板、教練指導

費用：$8,000（包船，最多10人）

直立板初階課程

時間：2小時

包括：直立板培訓、證書及1年會籍

費用：$500/位

撰文：布偉倫

攝影：謝孝祥

模特兒：Ava Pang（N'ME）

查詢電話：2792 4938