3大浮潛熱點樂水留影

橋咀洲微觀海葵蝦

橋咀洲是香港熱門的浮潛勝地，咁受歡迎總有原因，Herman解釋：「橋咀洲交通方便，由西貢市中心乘街渡小船，大約15分鐘就到，加上附近一帶海域是珊瑚保育區，有機會見到海葵蝦，甚至八爪魚等生物。」要拍攝細小的海葵蝦，建議使用Ricoh WG-4 GPS的數碼顯微鏡模式，用家一旦啟動此模式，鏡頭外圍的6盞LED燈便會亮起，不僅方便近拍補光，仲可以充當電筒畀你搜尋海洋生物。

海下灣追拍小丑魚

位於西貢北岸的海下灣，雖然地處偏遠，但它是很多海洋生物的居所，Herman稱：「海下灣屬海岸公園，禁止釣魚、撒網捕魚等影響生態的活動，所以有唔少人專登租艇嚟浮潛，較常見的魚類有小丑魚，還有紅白相間的蝟蝦等。」小丑魚和蝟蝦的體形較細，想拍攝的話，Olympus Stylus TG-3 Tough內置的顯微鏡式控制最幫到手，它透過數碼變焦將畫面放大至44.4倍，而且能同時套用各種濾鏡特效，拍出與別不同的作品。

Nikon COOLPIX AW120 售價：$3,380（c）	AW120的水底模式視野夠闊，影大環境氣勢磅礡，而且會自動修正白平衡。	放大圖片

東平洲賞鹿角珊瑚

位處本港東北之最的東平洲，入選為香港地質公園及海岸公園，不過交通頗為不便，由馬料水公眾碼頭乘渡輪約需1.5小時才能達到，Herman表示：「由於東平洲人迹罕見，因此附近一帶污染較少，近岸水域更清晰見底，而且珊瑚群和生物品種多樣，有一支支撐出嚟嘅鹿角珊瑚，運氣好的話可見到本地龍蝦棲息其中。」呢個時候梗係要拎部Nikon COOLPIX AW120，以水底模式拍攝留念，它除了可視角度較闊，還會自動修正白平衡，減低水中偏色問題。

Ricoh WG-4 GPS 售價：$3,490（a）	WG-4 GPS備有數碼顯微鏡模式，機身會亮起LED燈補光，適合影細小的海洋生物。	Olympus Stylus TG-3 Tough 售價：$3,390（b）

東面水質更清澈

香港有不少浮潛熱點，點解Herman會推介位處東面的橋咀洲、海下灣和東平洲？他表示：「雖然大嶼山亦設有潛水中心，但受到珠江流域影響，大嶼山一帶的海域水質較為渾濁，不適宜浮潛活動；相比之下，香港東面水質清澈，加上海岸公園大部分集中在此海域，故海洋生態的物種相對較多。」

TG-3的顯微鏡式控制可Zoom至44.4倍，仲可玩埋濾鏡特效，玩味夠強。	放大圖片	裝備逐件睇 潛鏡 揀潛鏡最緊要啱面形，而且有分單面鏡、雙面鏡，有些仲提供側面窗，最大分別在於不同視野。 售價：約$400~$1,000（d）

浮潛新手體驗

潛水快線（Diving Express）於7月至9月期間，備有不少浮潛活動，每逢星期三、四、六、日都會帶玩家到橋咀洲附近浮潛，讓大人小朋友齊齊接觸水底世界，現場有浮潛導師帶隊之餘，仲會提供潛鏡、呼吸管、蛙鞋和助浮衣等裝備，以及簡介浮潛玩法，等各位玩得既安心又盡興。

呼吸管 有助玩家於水中呼吸，部分呼吸管的末端還有防浪活閥，減少海水從管道流入的機會。 售價：約$300~$400（d）	蛙鞋 浮潛多數會選擇俗稱Full Foot的套腳式蛙鞋，事關一着就可以落水，唔需要再着鞋。 售價：約$300~$2,000（d）	潛水快線訓練總監Herman

活動詳情

浮潛地點：橋咀洲

時間：4小時

費用：$500

包括：船上浮潛簡介、半日乘船浮潛活動、浮潛裝備

參加資格：年滿8歲或以上、體格健康及略懂泳術

網址：www.divingexpress.com/chi/snorkelling.asp

撰文：黎子豪　

部分攝影：謝孝祥、陳世昌　模特兒：Nam（Reborn Production）

查詢電話：（a）2926 2300、（b）2376 2150、（c）2907 1122、（d）2724 1322